20 тамыз күні  облыстық  кітапхана  29 тамыз – Халықаралық ядролық сынақтарға қарсы күніне орай «Ерлік-ұрпаққа мұра» атты Семей ядролық полигонының ардагерлерімен кездесу кешін өткізді.

Аталмыш кештің құрметті қонақтары І.Көбенов -профессор, «Невада-Семей» антиядролық қозғалысы Батыс аймағы филиалының директоры, Б.Қамысбаев - профессор, Семей ядролық полигонының ардагері, «Ақтөбе облысы бойынша Семей ядролық сынақ полигонының ерекше тәуекел ету бөлімшелерінің ардагерлері мен мүгедектері» қоғамдық бірлестігінің төрағасы және де әр ауданнан келген бір топ ардагерлері болды. Олар  «Невада – Семей» қозғалысының атқарған ауқымды жұмыстары және  радиация әсерінен зардап шеккен жандар туралы айтып,  өмірден өткен азаматтарды еске алды.
Шарада жастар кеш қонақтарына тақырыпқа байланысты және облысымыздағы экологиялық жағдай туралы белсенділікпен сұрақтар қойды. Кеш барысында бейнероликтер көрсетіліп, «Семей полигоны – тарихтың қасіретті беттері» атты кітап көрмесі жасақталды. Кездесу соңында кітапхана  директоры Б.Кошабаева қонақтарға лебізін білдіріп, естелікке кітаптар сыйлады.