25 қазан күні «Халықаралық педагогикалық шығармашылық пен ғылымның дамуын қолдау қоры» Қоғамдық қоры С.Бәйішев атындағы облыстық әмбебап-ғылыми кітапханасымен бірлесе отырып, Дүниежүзілік кітапханашылар күніне орай Ақтөбе қаласында алғаш рет Қазақстан Республикасының кітапханашыларына арналған І Республикалық ғылыми-тәжірибелік конференциясын өткізді.

Конференцияның мақсаты – кітапхана қызметтерінің сапасын жақсарту, жаңа оқырмандарды  тарту, кітапханалық қызметтерді қалыптастыру, жаңа кітапхана қорларын қалыптастыру, мәдени-ағарту жұмыстарын жүргізу, кітапхананың жергілікті қоғамдастық өміріндегі маңыздылығын арттыру.
Конференцияда пленарлық және секциялық отырыстар өтті. Конференцияға Ақмола, Қарағанды, БҚО, Түркістан облыстарының, Ақтөбе қаласы мен Ақтөбе аудандарының кітапханашылары қатысты. Барлық қатысушылар Республикалық деңгейдегі сертификатқа ие болды. Секция бойынша жоғары деңгейдегі жұмыстар І,ІІ,ІІІ дәрежедегі дипломдармен марапатталды. Ең үздік жұмыс иелері Педагогика және Инновациялық Технологиялар Халықаралық Ғылым Академиясының атынан «Кітап ісіне қосқан үлесі үшін» төсбелгілерімен марапатталды. Кітапхана директоры Б.К.Кошабаева «Самғау» Республикалық ғылыми - әдістемелік журналының директоры Ш.А.Сатеноваға алғыс хат табыстады.