30 мамыр күні абонемент бөлімі 31 мамыр - Саяси қуғын-сүргін құрбандарын еске алу күніне және Алаштың арыстары С.Сейфуллин, І.Жансүгіров, Б.Майлиннің 120 жылдығына орай «Ұлты үшін құрбан болғандар» атты танымдық сағат өткізді.

Бұл шарада «Тарих, уақыт және заман» атты кітап көрмесіне кітапханашы Н.Бердіғалиева библиографиялық шолу өткізсе, М.Құсайынов атындағы   Ақтөбе облыстық дарынды балаларға арналған мамандандырылған   мектеп-интернатының 9 «ә» класс оқушысы Ә.Жақсылық, қалалық №32 мектеп-гимназиясының 9 «б» класс оқушысы С.Бертаза С.Сейфуллиннің «Көкшетау», І.Жансүгіровтың «Құлагер», Б.Майлиннің «Мырқымбай» поэмаларынан үзінді, І.Жансүгіровтың «Тұлпарға», Т.Молдағалиев «Ілияс аға», М.Хакімжанова «Би аға» арнауларын оқыса, көрермендерге Қ.Жүнісовтің «Сәкен сұңқар» бейнебаяны көрсетіліп, «Рымжан Сейфуллина», «Құлагер» поэмасы туралы бейнематериалдар, «Құлагер», «Амангелді» фильмнен үзінділер ұсынылды.

Қ.Жұбанов атындағы Ақтөбе өңірлік мемлекеттік университетінің аға оқытушы А.Бақыт, тарих ғылымдарының кандидаттары Н.Демеуова, Ж.Оразаева Алаш ардақтылары туралы толыққанды мәлімет берді.