Сақтаған Бәйішев атындағы облыстық әмбебеп–ғылыми кітапханасында өнер әдебиеттері бөлімі қызметкерлерінің ұйымдастыруымен 2012 жылдан бері «Қылқалам әлемі» көрме залы жұмыс жасайды.
    Көрменің мақсаты:Бейнелеу шеберлігінің асқаралы биігіне жету, көркем көре білуді дамыту және көргендерін өз шығармаларында бере білуді суреттен бастап жүрген қаламыздағы қылқалам шеберлерімен кездесу кештерін өткізіп, олардың шығармаларын жастарға, жалпы өнер сүйер қауымға насихаттау және қылқалам иелерінің өмірімен таныстыру.
    Жастардың дүниетанымын, эстетикалық талғамын кеңейту, өнерді құрмет тұту, оған сүйіспеншілігін арттыруда, өнерге баулып, шығармашылыққа тәрбиелеуде осындай көрмелердің маңызы зор.
   Осы кезеңге дейін ҚР суретшілер одағының мүшелері Е.Исмайылов, С.Әлімбетов, Т.Телеушов, А.Өтеген-Тана секілді біршама белгілі, танымал суретшілермен кездесу кештері ұйымдастырылды.

            Құрметті оқырмандар және қала қонақтары!

Сіздерді  кітапханамыздың 3 қабатында орналасқан “Қылқалам әлемі” көрме залын тамашалауға шақырамыз. Көрме жаз бойы сағат 9:00 ден 18:00ге дейін жұмыс жасайды.  Көрмеге белгілі суретші, графикші Әнуар Өтеген-Тананың және ҚР Суретшілер одағының мүшелері,  кескіндемешілер Ирина мен Айгүл Курманалиналардың туындылары қойылды.

     Әнуар Өтеген-Тана 1942 жылы 20 шілдеде Ойыл селосында дүниеге келді. 1972 жылы Төменгі Тагиль мемлекеттік педагогикалық институтының көркемөнер-графика факультетін бітірді. Шығармашылық кәсібін сол 70-жылдары бастаған Әнуар әуелі қазақ жұрты мен сол жұрттың тіршілігін бейнелеген графикалық сериялары мен талай кітаптарды көркемдеген иллюстрациялары арқылы дереу танылды.
     Солайша 1972 жылдан бастап Әнуар республикалық, бүкілодақтық һәм халықаралық көрмелерге біздің облыстың сәлемін жеткізе бастады. Ал 1978 жылы КСРО Суретшілер одағының мүшесі атанды. 
     «Менің отбасым», «Қазақтың салт-дәстүрі мен тұрмысы», «Әлия», «Махамбет», «Хадистер», «Шежіре», «Естеліктер», «Гендерлік саясат», «Өрнектер», «Өмір комедиясы», «Кресло», «Біздің комедия», «Бабам туралы» тәрізді сериялар мен әрқилы графикалық техникалармен жасалған 600-ге жуық экслибристері оның талмай ізденулерінің мол жемістері.
     Суретшінің еңбегі тіпті де тасада қалған емес. Оның есімі «Абай» (1995), «Ақтөбе» (2001) энциклопедияларына енгізілді. Павел Стеллер атындағы медаль және дипломмен, «Еңбекте үздік шыққаны үшін» медалімен, «Жальгирис-600» эксибристер мен графика көрмесінің халықаралық дипломымен, Қазақ-Орыс халықаралық университетінің «Сапалы маман иелерін даярлауға зор үлес қосқаны үшін» Құрмет грамотасымен марапатталды.

      Ирина Құрманалина 1961 жылы дүниеге келді. 1977 жылы К. А. Савицкий атындағы Пенза көркемсурет училищесінің кескіндеме-педагогикалық факультетіне түсіп, 1981 жылы қызыл дипломмен бітірді. 1982 жылдан бері Ақтөбе қаласында Қазақстанның жас суретшілерінің қалалық, облыстық және республикалық көрмелеріне белсене қатысты.
     1985-1990 жылдары-Абай атындағы Қазақ педагогикалық институтында оқыған кезеңде Ирина белсенділік танытып, суретшілер Одағының жастар бірлестігінің мүшесі болды. Өзінің алғашқы туындысын сатты және дипломды үздік қорғады. 1992 жылы Суретшілер одағының мүшесі болды, ал 1993 жылы Алма-Ата  облысында Тау–Тургень деген жерде  халықаралық пленерге қатысты. 1994 жылы Ирина Алматыдағы жеті ақтөбелік суретшінің көрмесіне қатысады.
     2013 жылы Ирина Атырау қаласындағы өңірлік сәндік-қолданбалы өнер байқауының
    « Алтын қаяқ» сыйлығының номинанты, сондай-ақ облыс әкімінің 2013 жылғы сыйлығының лауреаты атанды. Иринаның шығармашылық жұмыстарының сериясы қаланың ойын-сауық орталығының интерьерін безендіреді. Жұмыстар Ақтөбе өлкетану мұражайы мен Ақтөбе өнер мұражайының жинағында, сондай-ақ Ресей, Өзбекстан, Тәжікстан, Қырғызстан, Польша, Германия және Қытайдың жеке коллекцияларында жиналған. Педагогикалық қызметте көп жылдық өтілі бар, жоғары білікті педагог, шығармашылық пәндер оқытушысы. 2011 жылы ол туралы ақпарат "Қазақстанның үздік адамдары"халықаралық энциклопедиясында енген.

      Құрманалина Айгуля Алмасқызы, 1981 жылы 22 шілдеде дүниеге келген.
     Ақтөбе қаласының №29 орта мектебін 1998 жылы бітірген. 1989 жылдан 1997 жылға дейін қалалық оқушылар сарайы жанындағы бейнелеу студиясына қатысқан, оқытушысы Садильникова Н. А.
      1998 жылы  бейнелеу өнері мамандығына ,ИТФ факультетіне Қ. Жұбанов атындағы АМУ түсті,2002 жылы қызыл дипломмен университетті бітірді.
      2002 жылы Ақтөбе қаласының экслибрис халықаралық көрмесіне қатысты.
      2002-2004жж. -. суретші безендіруші болып , сонымен қатар бейнелеу өнері студиясында оқытушы болып жұмыс істеді (6-8 жас тобы).
    Суретші ретінде-көп қабатты декупаж техникасында жұмыс істейді. Көрме  қызметін студенттік уақытта бастады. Ақтөбе жас суретшілерінің көрмелеріне, 1999 және 2000 жылдардағы экслибристің халықаралық көрмелеріне қатысты. Ақтөбе қаласының 2004 жылғы мерейтойына арналған жұмыстар байқауында жүлдегер атанды: серия декупаждар 2 сыйлыққа ие болды .2009 жылы суретші И. Құрманалинамен бірге « Дочки – матери» жеке көрмесіне қатысты.