«Парасат жолы» орталығында 27 наурыз - Халықаралық театр күніне орай «Театр - адамның рухани серігі» атты театр актерларымен кездесу кеші өткізілді. Мәдениет пен руханияттың тоғысқан ордасы саналған кітапханада өткен игі шарада бірегей жаңа жобаның мақсаты мен міндеті ортаға салынып, пайымды пікірлер мен орамды ойлар айтылып, әділдік пен адалдықтың қоғам өмірінде алатын орны мен сахналық қойылымдар арқылы оқырманға беретін тәлім-тәрбиелік рөлі сөз болып, құнды қасиет парасаттылықтың маңыздылығы талқыланды.