21 қаңтар күні химик-металлург, ғалым,  жазушы, Қазақ КСР Ғылым академиясының академигі, КСРО Жазушылар одағының мүшесі, қоғам қайраткері Ебіней Арыстанұлы Бөкетовтің туғанына 100 жыл толуына орай«Жарқын бейне» республикалық танымдық кеш  ұйымдастырылды.
Шараға Алматы қаласынан зум қосымшасымен химия ғылымдарының докторы, профессор, ҚР-ның Ұлттық Ғылым Академиясының академигі, Ұлттық Жаратылыстану  ғылымдары академиясының академигі,  ҚР Ғылым, техника және білім беру  саласындағы Мемлекеттік сыйлықтың лауреаты, Совет Одағының өнертапқышы, ҚР еңбек сіңірген өнертапқышыӘ.Б.Баешовпенжазушы, журналист, ҚР Журналистер одағының мүшесі, ҚР Журналистер Одағы сыйлығының лауреаты, оңдасыновтанушы ғалым Г.Оразалықызы, Қарағанды қаласынан зум қосымшасымен Е.А.Бөкетов атындағы Қарағанды университетінің тарих факультетінің деканы, тарих ғылымдарының кандидаты Ж.Ә.Жұмабеков Е.А.Бөкетов атындағы Қарағанды университетінің  Е.А.Бөкетовке арналған мемориалдық музейінің экскурсоводы А.А.Шалгимбаева, техника ғылымдарының кандидаты,  қауымдастырылған профессор     Қ. Жұбанов атындағы Ақтөбе өңірлік университетінің "Металлургия және тау-кен ісі" кафедрасының профессоры Ө.Р.Сариев қатысып, академик Е.А.Бөкетовтің парасаттылығын,ғылым мен әдебиетті дамытудағы рөлін, сан қырлы дарынын, қабілетті ұйымдастырушылығын, кең жүректі адамгершілігін, зор талантын көпшілік қауымға паш етті.
          Шара барысында кітапхана оқырмандарының назарына «Өнегелі өмір өрнегі»  атты кітап көрмесі ұйымдастырылып, «Ебіней Бөкетовтың еңбек жолы» атты бейне баяны көрсетілді.Сонымен қатар, ғалым Ә.Б.Баешовтың  Е.Бөкетовке арналған «Ебіней ағаны еске алу» күйізум қосымшасы арқылы тыңдалып, ақын Ә.Тәжібаевтің «Елу туралы сөз» және М.Әлімбаевтың «Е.Бөкетовке арнау» өлеңдері оқылды.
Тағылымды тұлғаға арналған шараға жоғары және арнаулы орта оқу орындарының оқытушылары мен студенттері, №37 қазақ орта мектебінің кітапханашысы оқушыларымен, кітапхана оқырмандары, «Елмұра» ұлттық-танымдық клубының мүшелері қатысты.