С.Бәйішев атындағы ОӘҒК облыс кітапханаларын дамыту бөлімі облыс тұрғындарына кітапханалық қызмет көрсетудің сапасы мен тиімділігін арттыру мақсатында ақпараттық, әдістемелік қызметті жүзеге асырады.
        Қазіргі таңда облысымызда  мемлекеттік жүйеге қарасты 236 кітапхана, о.і. 4 облыстық, 16 қалалық, 12 аудандық, 12 аудандық балалар және 192 ауылдық кітапхана бар. О.і. 74 модельді ауылдық кітапхана және 24 кітапханада коворкинг орталықтар халыққа қызмет көрсетуде.
         Кітапханаларды дамыту бөлімі облысымыздағы кітапханаларға әдістемелік көмек көрсетіп, жетекшілік етеді, кітапханалардың жұмысын үйлестіріп, бағыт-бағдар беріп отыратын бөлім.
         Кітапханалардың дамуы аясында, қызметкерлердің кәсіби біліктілігін көтеру мақсатында әртүрлі бағдарламалар, жоба, акция, байқау, конференция, семинар-тренингтер мен шеберлік сабақтар ұйымдастырылады.  
          Сонымен қатар бөлім баспа қызметімен айналысады. Жыл сайын белгілі қазақстандық, өлкелік ақын-жазушылар мерейтойларына арнап әдістемелік құралдар шығарылады. Бұл құралдарда өмірі мен қызметі және таңдалған тұлғаларға арналған шара өткізу жөніндегі сценарийлер құрастырылып, көмекші құрал ретінде аудандық кітапханаларға жіберіледі.
          2022 жылдан  бастап халықтың кітап оқу белсенділігін арттыру мақсатына бағытталған «Оқитын ұлт» жобасы шеңберінде облыс бойынша «Бір ел – бір кітап» республикалық акциясы, «Әдеби өлкетану», «Нағыз оқитын кез» жобалары бойынша халықтың оқумен қамтылуы  туралы ақпараттар жинақтап, статистикалық мониторингін жасап отырады.

  Бөлімнің негізгі міндеттері:
- облыстың кітапханалық саясатын қалыптастыру;
- аймақтағы кітапхана ісі жағдайының және дамуының     
  аналитикалық сараптама  және статистикалық мониторингін жүргізу;
- кітапхана қызметін жоспарлау, талдау, болжау.

Бөлім меңгерушісі:
Сеитова Гуля Истлеуовна
тел.: 8 705 480 00 65
е-mail: Этот адрес электронной почты защищен от спам-ботов. У вас должен быть включен JavaScript для просмотра.