11 ақпан күні С.Бәйішев атындағы Ақтөбе облыстық әмбебап ғылыми кітапханасында тарихшы, филология ғылымдарының докторы, Қазақ КСР Мемлекеттік сыйлығының лауреаты және Қазақстанның халық жазушысы Мұхтар Мағауиннің 85 жылдығына арналған «Тарихтан тағылым таратқан» әдеби танымдық кеші өтті.
Кеш қонақтары  Профессор, филология ғылымдарының докторы, ҚР Педагогика ғылымдар академиясының академигі, Қазақстан Жазушылар одағының  мүшесі Жұманазар Асанов; Қ. Жұбанов атындағы АӨМУ, қазақ әдебиеті кафедрасының аға оқытушысы Жұмағалиева Рита Рахманқызы; Әл-Фараби атындағы  №21 мамандандырылған гимназия мұғалімі Оразова Гүлшара Қосалқызы жазушының өмірі мен шығармашылығы, ғылыми еңбек жолы жөнінде оқырмандарға тың ақпараттарымен  бөлісіп, шығармаларын талдады. 
Сонымен қатар Қ.Жұбанов атындағы АӨМУ студенті Сагизбаева Дана Ермахан Шайхыұлының, кітапхана қызметкері Аманжол Исламғали Ұларбек Дәлейұлының Мұхтар Мағауинге арнау өлеңдерін оқыды.
Кеш барысында «Қазақ әдебиетінің алдаспаны» кітап көрмесіне библиографиялық шолу таныстырылды.