Өнер бойынша әдебиеттер бөлімі

     Кітап қорында 10 мыңға жуық кітап бар. Бөлімнің  жұмыс мақсаты-өнер танушыларды, мәдениет қызметкерлерін, өнер сүйер оқырман қауымды кітапханаға тартып жас ұрпаққа  Қазақстанның өнері мен мәдениетін насихаттау. Сондай -ақ осы бөлімде «Қылқалам әлемі» көрме залы мен «Өнерпаз» қызығушылық клубтары бар.
     Осы кезеңге дейін ҚР суретшілер одағының мүшелері Есет Исмайылов, Сағынтай Әлімбетов, Таймас Телеушов, Ануар  Өтеген-Тана, Ирина, Айгүл Құрманалиндер, Евгения Сухотина секілді біршама белгілі, танымал суретшілермен кездесу кештері, көрмелері ұйымдастырылды.
     2020 жылдың қараша айынан бастап С.Бәйішев атындағы Ақтөбе облыстық әмбебап ғылыми кітапханасы, өнер бойынша әдебиеттер бөлімінің ұйымдастыруымен «Димаш Құдайберген – Ақтөбенің мақтанышы» тақырыбында  ұзақ  мерзімді  жобаны  жүзеге асыруды  жоспарлап   отыр. 
     Сонымен қатар, осы жоба аясында 2021 жылдың сәуір айында «Халықтың сүйікті әншісі – Дінмұхаммед Қанатұлы Құдайберген» атты республикалық эссе және 2022 жылы Ақтөбе қаласы мен облыс жастары арасында «Димаш біздің мақтанышымыз!»  атты  облыстық  сурет байқауларын   өткізу  жоспарлануда.