28 қазан күні  С.Бәйішев атындағы облыстық әмбебап ғылыми кітапханасында жерлес жазушы, аудармашы, журналист Мыңжасарова Сара Рахманқызының 100 жылдық мерейтойына арналған «Өмірдің бұраң жолдары»  облыстық  конференциясы өтті. Конференция қонақтары  жазушы, аудармашы, журналист,Қазақстан Жазушылар Одағының мүшесі  - Зияш Телеуова, Шалқар ауданы, "Кішіқұм" ауылдық округі ардагерлер кеңесінің төрағасы, ардагер ұстаз - Оразбаев Аққайыр Мәлкешұлы, жазушы, педагогика ғылымдарының магистрі- Бекнияз Жайнагүл Амандыққызы, журналист- Байтақова Айсын Мүрсінқызы жазушының өмірі мен шығармашылығы жөнінде оқырмандарға тың ақпараттарымен бөлісті. Сонымен қатар жазушы Сара Мыңжасарованың естеліктері мен еңбек жолынан бейне сюджет көрсетілді.
Конференция барысында кітапхана оқырманы Еркінқызы  Әсел жазушы С.Мыңжасарованың «Әйел бақыты» повестінен үзінді оқыды. Конференцияның арнайы қонағы   жазушының бауыры Ақтай Райымбай Сағидоллаұлы Сара Рахманқызын  сағынышпен еске алып, өз естеліктерімен бөлісті. Оқырмандарға жазушының шығармашылығына арналған «Рухы мықты жазушы, аудармашы, журналист Сара Мыңжасарова» кітап көрмесі жасақталып, библиографиялық шолу таныстырылды.Шараға  Ақтөбе қаласының жоғары және арнаулы оқу орындарының студенттері, кітапхана оқырмандары  қатысты. Шара соңында кітапхана директоры Хакимова Сұлушаш Максимқызы  қонақтарға  алғыс білдірді.