С.Бәйішев атындағы облыстық әмбебап ғылыми кітапханасында Қазақстанның Еңбек Ері, Қазақстанның халық жазушысы, қазақ әдебиетінің классигі, көрнекті мемлекет және қоғам қайраткері Әбіш Кекілбаевтың 85 жылдық мерейтойына арналған «Әбіш Кекілбаев – замана заңғары, сөз зергері» әдеби кеші өтті.  Кеш қонақтары өлкетанушы, тарихшы, зерттеуші Мырзабай Бекарыстан Боранқұлұлы,Ақтөбе облысы бойынша «Үкіметтік емес ұйымдар қауымдастығының» Президенті  Елдесов Арман Тілепұлы, Әлем Халықтары Жазушылар Одағының төрағасы, №40 орта мектебінің мұғалімі Жұбатова Жарқынай Тажаяққызы жазушының өмірі мен шығармашылығы, қоғамдағы саяси рөлі  жөнінде баяндады.
      Сонымен қатар, №72 жалпы білім беретін ІТ мектеп-лицейінің 9 класс оқушылары «Әбіш аға» әнін орындап, Жалғас Саян «Минут» өлеңін, Мұхамбетжан Гаухар «Шыңырау» повестінен үзінді оқып, №45 орта мектебінің 10-сынып оқушысы Аманғос Әмина «Қыстағы ой» өлеңін, Ақтөбе жоғары гуманитарлық колледжі студенті Аружан Жүсіпқалиева «Ақын» өлеңін оқыды. Шара барысында «Әбіш-абыз-аңыз» кітап көрмесіне библиографиялық шолу таныстырылып, оқырмандар назарына  ұсынылды.