26 қараша күні «Тарихы терең Ақтөбе»  жобасы аясында Халық батыры Сапура Мәтенқызының өміріне арналған «Қазақтың қайсар қызы – Сапура» тарихи-танымдық кеші өтті. Іс-шараның негізгі мақсаты – Халық батыры Сапура Мәтенқызының өмірбаяны дәріптеп, ел тыныштығы жолында атқарған ерлік істерін насихаттау. Сонымен қатар, батыры қызы Сапура Мәтенқызының ерліктерін үлгі ете отырып, батырлық пен ерлік ұғымдарының терең мағынасын ашу. Шараға ақын, Қазақстан Жазушылар Одағының мүшесі, Ақтөбе облыстық мәслихатының депутаты Бижан Қалмағанбетов; СНПС - Ақтөбе МұнайГаз» ардагерлер ұйымы ҚБ төрағасы Боранбай Абдулла;  филолог-өлкетанушы, «Аманат» экспедиция  жетекшісі Жібек Абдуллина; Ақтөбе облыстық тарихи-өлкетану музейінің  Қобда сектор бөлімінің меңгерушісі Гулбаршын Ерғалиева;  ақын, ҚР жазушылар одағының мүшесі Гүлжайнар  Қалдина; «Спорт жұлдыздары» республикалық журналының бас редакторы Мұсағали Тасқалиев қатысты. Олар Халық батыры Сапура Мәтенқызының ерлікке толы  өмір жолы туралы  баяндап, жастарды ғылыми-зерттеу жұмыстарын жүргізуге, ізденуге шақырды.
     Оқырмандарға кітапхана қызметкері Рысжан Қарағұлова «Ел қорғаны – Сапура Мәтенқызы» кітап көрмесіне библиографиялық шолу өткізіп, шара жүргізушісі Аманжол Сламғали танымал ақтөбелік әншісі Рахман Сәтиевтың орындауында «Сапара Мәтенқызы» әнінің, Жібек Абдуллинаның «Темірменен  құрсауланған жұмбақ  жан» атты өлеңінің,  Мұсағали Тасқалиевтың сөзіне жазылған Орынгүл Исмағұлованың «Көктемір»  әнінің  бейнежазбасын  оқырман назарына ұсынды. Сонымен қатар, ақын, ҚР жазушылар одағының мүшесі Гүлжайнар Қалдина Сапура Мәтенқызына арналған дастанынан үзінді, Ақтөбе жоғары гуманитарлық колледжінің студенттері Жұмағұлова Ақиба, Сарсенбаева Шаттық, Ахмедияр Ақжан ақын Ізтай Мәмбетовтың «Көктемір» поэмасынан үзінді оқып берді. Жас оқырман, №75 жалпы білім беретін орта мектебінің оқушысы Салтанат  Аманғали өз кезегінде Сапура Мәтенқызы туралы қысқаша мәліметтермен бөлісті.