26 ақпан күні кітапхана қызметкерлері ақын, абыз, жез найзалы батыр, сәулетші, ізгі жүректі Бекет Мырзағұлұлының туғанына 275 жыл толуына орай «Халқы қадірлеген Пір Бекет» тарихи-танымдық кеш  өткізді.
Аталмыш кешке «Baishev Education Group» корпорациясының президенті, философия ғылымдарының докторы, профессор А.Б.Ахан, «Қазақстан өлкетанушылар одағы» облыстық филиалының төрағасы, «Қазақстанның үздік өлкетанушысы» Б.Б.Мырзабаев, зум қосымшасымен «Маңғыстау мемлекеттік тарихи-мәдени қорығы» ММ бөлім меңгерушісі А.К.Яриханова, Пір Бекет Мырзағұлұлының қасиетті "Көк Асасының" сақтаушысы Ә.Т.Накеш қатысып, аңызға айналған Бекет атаның қасиеттері, халқына көрсеткен қызметтері мен пайдалы істерін көпшілік қауымға таныстырды.
Шараға  АГУ Тарлан, ALT гуманитарлық-техникалық, көлік, байланыс және жаңа технологиялар    колледждерінің  оқытушылары мен студенттері, «Елмұра» ұлттық-танымдық клубының мүшелері, кітапхана оқырмандары қатысты.
Кеш барысында кітапхана оқырмандарының назарына ұйымдастырылған «Қастерлі тұлға, қасиетті баба Бекет ата» атты кітап көрмесіне кітапханашы Әйгерім Төлегенова библиографиялық шолу жасап, «Бекет ата» деректі фильмінен үзінді көрсетілді. Жыршы Демеубай Жолымбетов Ғафу Қайырбековтың «Бекет ата туралы» аңызын орындап берді.