19 наурыз күні «БІР ЕЛ-БІР КІТАП» республикалық акциясы аясында қазақ әдебиетінің классик жазушысы Тәкен Әлімқұловтың шығармашылығына арналған «Кеуде бейне күй сандык...» тақырыбында әдеби кеш өтті. Кешке Қ.Жұбанов атындағы Ақтөбе өңірлік университетінің оқытушысы, доцент Елеусинова  Гүлім Елеусінқызы, №51 мектеп-гимназиясының қазақ тілі мен әдебиеті пәні мұғалімі - Смайлова  Нұргүл Нұрсұлтанқызы, Ұ.Құлымбетов атындағы  №64 ЖББОМ  қазақ тілі мен әдебиеті пәні мұғалімі Саметова Жазира Мырзагалиқызы  қатысты. Олар Тәкен Әлімқұловтың «Сарыжайлау», «Қара қобыз», «Көк қаршыға», «Қараой», «Сейтек сарыны», «Телқоңыр» әңгімелері туралы кітаптарынан үзінділер оқыды және тарихи жады мен халық мәдениетін әдебиет арқылы сақтаудың маңыздылығы жайлы айтып, алған әсерлерімен  бөлісті. Сонымен қатар Ұзақбай  Құлымбетов атындағы  №64 жалпы білім беретін орта мектебінің  5 «в» класс оқушылары И.Байдаулетов,  А.Асланұлы, А.Жәнібекова, А.Сабитова  Тәкен Әлімқұловтың  «Сүйемін мен ботаның боздағанын»  өлеңі бойынша көрініс көрсетті. Шара соңында кітапхана директоры Хакимова Сұлушаш Максимқызы оқырмандар мен қонақтарға  алғысын  білдірді. Кеш барысында «Бар қазақтың жүрегіне жол тапқан»  кітап көрмесіне  библиографиялық шолу жасалды. Шараға Ақтөбе қаласының жоғары және арнаулы оқу орындарының студенттері, кітапхана оқырмандары  қатысты.