16 сәуір күні кітапхана қызметкерлері шығыстанушы, тарихшы, фольклоршы, этнограф, географ, ағартушы Ш.Ш.Уәлихановтың туғанына 190 жыл толуына орай «Шоқан Шыңғысұлы Уәлиханов-қазақ халқының тұңғыш ғалымы» республикалық ғылыми-теориялық конференция өткізді.   

        Аталмыш шараға Ш.Уәлиханов атындағы тарих және этнология институты, PhD-докторант, ғылыми қызметкер А.А.Оралова, Ш. Уәлиханов атындағы Көкшетау университеті, «Тарих, география және әлеуметтік-гуманитарлық пәндер» кафедрасының лекторы А.А.Шапкенов,  Ш.Уәлиханов атындағы әскери колледждің қазақ  тілі мұғалімі Т.Қ.Шаяхметова ZOOM қосымшасы арқылы және М.Оспанов атындағы Батыс Қазақстан медициналық университеті, «Қоғамдық – гуманитарлық пәндер» кафедрасының доценті  Б.А.Молдин, Ақтөбе көлік, байланыс және жаңа технологиялар колледжі, тарих пәнінің оқытушысы Ш.Х.Мустафина, №10 ЖББОМ тарих пәнінің мұғалімі Е.Қ.Дүйсенбин қатысып, қазақ мәдениетін әлемге танытқан ғалымның өмір жолын, мол әдеби мұрасын,  саяхат күнделіктерін, ағартушылық қызметін, жалпы шығыстану саласына қосқан үлесін ғылыми тұрғыдан баяндап берді.      

Шараға   қаламыздағы «ALT» Ақтөбе гуманитарлық-техникалық және «Болашақ»   көпсалалы колледждерінің оқытушылары мен студенттері,   кітапхана оқырмандары қатысты.

           Шара барысында кітапхана оқырмандарының назарына ұйымдастырылған «Тұлға тағылымы» атты кітап көрмесіне кітапханашы  Қойшығалиева Ақбаян библиографиялық шолу жасап, жыршы Демеубай Жолымбетов «Едіге батыр» жырын орындады. Сонымен қатар, ғалымның өмір жолы мен шығармашылығы жайында бейне баян мен «Ш.Уәлиханов» фильмінен үзінді көрсетілді.