18 наурыз күні «Тарихы терең Ақтөбе» жобасы аясында халық ақыны, жыршы Нұрпейіс Байғаниннің 165 жылдығына арналған «Жыр тарланы» жыр кеші өтті. Аталған жыр кешіне ақын, Қазақстан Жазушылар одағының Ақтөбе облысы бойынша өкілі Бауыржан Құрманқұлов, профессор, филология  ғылымдарының докторы, академик Жұманазар Асанов, ақын, ҚР Жазушылар одағының мүшесі,  академик Нұрлыбек Қалауов, Н.Байғанин атындағы Ақтөбе облыстық балалар кітапханасының директоры Эльмира   Кашкенова, Н.Байғаниннің келіні Манар Байғанина және немерелері Гүлмира Момынқызы, Өмірзақ Байғанин, сондай-ақ өңірге белгілі зиялы қауым өкілдері қатысты.

Кеш барысында Нұрлыбек Қалауов пен Бауыржан Құрманқұлов оның сөз өнеріндегі ерекшеліктерін тілге тиек етсе, жыршы Демеубай Жолымбетов «Қазақбай ақын мен Нұрпейіс ақынның айтысын» орындап, көпшілікті тәнті етті. Сонымен бірге «Ер Едіге» жыр мектебінің оқушылары Берік Әлжан, Қарағұл Сұлтан,  Жетесова Алтынай Н.Байғаниннің «Нарқыз», «Сөз басы», «Еңбек термесі» дастандарын  орындаса, кітапхана оқырмандары Н.Байғаниннің «Бесік жыры», «Біз берікпіз» өлеңдерін оқып берді. Шарада ақынның өмірінен сыр шертетін «Жыр жампозы» бейнежазбасы ұсынылды. Кітапхана қызметкерлері «Ұмытпас мені ғасырлар...» кітап көрмесіне библиографиялық шолу жасады.