15 қазан күні жазушы, Қазақстан Жазушылар одағының мүшесі, Қазақстанның Құрметті заңгері Назарбек Қалыбекұлы Нұрмағанбетовтың «Сайыпқыран. Жарқамыстан Америкаға дейін» кітабының таныстырылымы өтті.

Аталмыш шараға Ақтөбе облысының мәдениет,архивтер және құжаттама басқармасының басшысы А.Ю.Юнисова, ақын, Қазақстан Жазушылар одағының Ақтөбе облысы бойынша өкілі Б.М.Құрманқұлов, ақын, Қазақстан Жазушылар Одағының Ақтөбе облыстық филиалының директоры, Ақтөбе облыстық мәслихатының депутаты Б.Қ.Қалмағанбетов, ақын, ҚР Жазушылар одағының мүшесі, өлкетанушы Н.А.Қалауов, Ақтөбе облыстық тарихи-өлкетану музейінің ғылыми қызметкері, Қазақстан Журналистер одағының мүшесі, мәдениет саласының үздігі Қ.М.Ермұқанов, оқу-ағарту ісінің үздігі С.Коргулина, ақын, Қазақстан Жазушылар Одағының мүшесі Т.Б.Тілеулесов және заң саласының қызметкерлері, арнаулы орта оқу орындарының оқытушылары мен студенттері, кітапхана оқырмандары қатысты.

Шара барысында кітапхана оқырмандарының назарына жазушының өмірдерегіне арналған «Тұлға тағылымы» кітап көрмесі ұйымдастырылды.

Сонымен бірге, әнші, сазгер Ж.Назаров Ө.Сансызбаевтың сөзіне жазылған «Жеңіс таңы» және қазақ жүрегінің жырына айналған Қ.Мырзалиев пен Е.Хасанғалиевтің «Атамекен» әндерін орындады.