Бүгін «БІР ЕЛ – БІР КІТАП» республикалық акциясы аясында қазақ әдебиетінің классик жазушысы Тәкен Әлімқұловтың шығармашылығына арналған «Тәкеннің асыл мұрасы» атты әдеби кеш өтті.

Кешке Қ.Жұбанов атындағы Ақтөбе өңірлік университетінің оқытушысы, доцент Елеусінова Гүлім Елеусінқызы, Қазақстан Жазушылар одағының мүшесі, ақын Жұбатова Жарқынай Тажаяққызы, педагогика ғылымдарының магистрі, жазушы Бекнияз Жайнагүл Амандыққызы қатысып, жазушының өмірі мен шығармашылығы, ғылыми еңбектері жөнінде тың деректермен бөлісіп, туындыларына талдау жасады. Шара барысында «Қазанғап» атындағы балалар өнер мектебінің ұстаздары Әсет Сәтжанұлы мен Қуаныш Үмбетов М.Өтемісұлының «Жұмыр қылыш» күйін орындады. Сонымен қатар, «Үркер» шығармашылық орталығының мүшелері Қызғалдақ Алпысбаева «Алматыға» және Шығанақ Ерсұлтан «Жұлдыз» өлеңдерін мәнерлеп оқыды.

Кеш аясында «Бар қазақтың жүрегіне жол тапқан» атты кітап көрмесіне библиографиялық шолу жасалып, оқырмандар назарына ұсынылды.