Бүгін «Бір ел – бір кітап» республикалық акциясы аясында қазақтың көрнекті ақыны, жазушысы, қоғам қайраткері Жұмекен Нәжімеденовтің өмірі мен шығармашылығына арналған «Жұмекен – құдірет» атты оқырман конференциясы өтті.

Іс-шара барысында Қ.Жұбанов атындағы Ақтөбе өңірлік университетінің аға оқытушысы Жұмағалиева Рита Рахманқызы,
оқытушы, доцент Елеусінова Гүлім Елеусінқызы,
және №51 мектеп-гимназиясының мұғалімі Смайлова Нұргүл Нұрсұлтанқызы
ақынның өмірі мен шығармашылық жолы, ғылыми еңбектері туралы тың деректермен бөлісіп, туындыларына талдау жасады. Сонымен бірге Жұмекен ақынның өмір жолына арналған «Тағдыр жолы» атты бейнефильм көрсетілді.

Кеш барысында «Үркер» шығармашылық орталығының мүшелері –
Әсел Еркінқызы «Кітапханада»,
Қарлығаш Ержігітқызы «Біз өзіміз»,
Ақбаян Хайдарқызы «Отбасы»
атты өлеңдерді мәнерлеп оқып, көрерменге ерекше әсер сыйлады.

Шара аясында «Бар қазақтың жүрегіне жол тапқан» атты кітап көрмесіне библиографиялық шолу жасалып, қатысушылар ақынның мол мұрасымен кеңінен танысты.