25 ақпан күні адуынды ақын, жырау, жыршы Жамбыл Жабаевтың 175 жылдығына орай «Жасымнан атым аян Жамбыл едім» атты әдеби жыр кеші ұйымдастырылды.
Шара барысында Ж.Жабаев әдеби-мемориалды музейінің қызметкерлері арнайы дайындалған бейнематериалын жолдап, музейдегі ақын өмірінен сыр шертетін жәдігерліктермен таныстырды. Сонымен қатар, қазақ халқының адуынды ақыны Жамбыл Жабаевтың әдеби мұрасы туралы А.Жұбанов атындағы Ақтөбе музыкалық колледжі қазақ тілі мен әдебиеті пәнінің оқытушысы Х.Таналиева және облыстық кітапхана қызметкері Н.Бердіғалиева баяндап берді. Әдеби жыр кешінде Қ.Жұбанов атындағы Ақтөбе өңірлік университетінің, А.Жұбанов атындағы Ақтөбе музыкалық колледжінің, Ақтөбе гуманитарлық колледжінің студенттері, №13 орта мектебінің оқушысы Утегенова Мәриям қатысып ақын өлеңдерін мәнерлеп оқыды.
Әдеби жыр кешінің нәтижесінде ақын өлеңдері насихатталып, өскелең ұрпаққа берері мол тағылымды ой өрбітілді.