14 сәуір күні С.Бәйішев атындағы облыстық әмбебап ғылыми кітапханасының өлкетану әдебиеттер бөлімінің ұйымдастыруымен ZOOM платформасында Мемлекет және қоғам қайраткері Ұзақбай Құлымбетовтің 130 жылдық мерейтойына орай «Алаш деп туған арысым» атты тарихи танымдық шарасы өткізілді.
Кітапхана қабырғасының zoom-online қосымшасында өткен танымдық шарасында өз заманындағы қазақ мемлекетін құрған Ұ.Құлымбетовтің Қазақстанға сіңірген еңбегі, қазақ тарихындағы орны қандай, оның тұлғалық қасиеті қалай танылды секілді мәселелер кеңінен баяндалды. Іс-шараға Ұ.Құлымбетовтың қызы, ҚР Еңбек сіңірген қайраткері, ҚР Еңбегі сіңген ұстаз - О.Қарабалина-Қазыбаева, Ұ.Құлымбетовтің туысы – Ж.Ағыбаев, «Ғылым Ордасы» РМК Орталық ғылыми кітапханасы, тарих ғылымдарының докторы, доцент - С.Ә.Смағұлова, Қ.Жұбанов атындағы АӨМУ доценті, тарих ғылымдарының кандидаты - Ә.Б.Аман, Өлкетанушы, Ұ.Құлымбетов туралы тарихи деректерді жинаушы - Б.Б.Мырзабай, Ырғыз аудандық тарихи өлкетану музейінің ғылыми қызметкері - С.Ә.Сарина, С.Бәйішев атындағы Ақтөбе облыстық әмбебап ғылыми, аудандық орталықтандырылған кітапхана жүйесінің оқырмандары, «Ғылым Ордасы» РМК Орталық ғылыми кітапхана қызметкерлері, Қ.Жұбанов атындағы АӨМУ студенттері қатысты.