4 маусым - Қазақстан Республикасының Мемлекеттік рәміздері күніне орай ақпараттық-библиографиялвқ қамтамасыз ету бөлімі №30238 әскери бөлімінің сарбаздары арасында «Мемлекеттік рәміздер – ұлт мақтанышы» атты ақпараттық-танымдық іс-шарасын өткізді. Шара қатысушыларына мемлекеттік рәміздердің шығу тарихы мен құрылымы туралы танымдық ақпарат берілді. Шара қонағы ақын Нұрлыбек Қалауов мемлекеттік нышандардың қоғамдағы маңыздылығына тоқталды. Ел аумағындағы барлық азаматтар осы елдің туын, елтаңбасы мен әнұранын құрметтеуге міндетті екенін айта отырып, қатысушыларды  ұлттық рәміздерімізді қадірлеуге шақырды. Шараға «Мемлекеттік рәміздер – тәуелсіздік символы» атты кітап көрмесі әзірленіп, библиографиялық шолу жасалды.