16 қыркүйек күні кітапханамыздың коворкинг орталығында жұртшылықпен байланыс және бұқаралық жұмыс бөлімшесінің ұйымдастыруымен  18 қыркүйек - Аналар күніне орай «Ана - өмірдің ажары» атты мерекелік кеші өтті. Кеш қонақтары «Отбасын сақтау» орталығының кәсіби медиаторы, Ақтөбе қаласы әкімі жанындағы әйелдер ісі және отбасы-демографиялық комиссиясының мүшесі Лакова Таңсұлу Зағитқызы және Техника ғылымдарының докторы, көп балалы ана, психолог, медиатор Қалел Бибігүл Маратқызы адам өміріндегі ананың алатын рөлі, күнделікті өмірдегі Ана мен Бала арасындағы қарым-қатынас туралы мысалдар келтіре отырып, жастарға пайдалы ақыл-кеңестер берді. Психолог Бибігүл Маратқызы көрермендер арасында сұрақ-жауап жүргізіп, тренинг өткізді. Мерекелік кеш барысында Каталог ұйымдастыру бөлімшесінің меңгерушісі, көп балалы ана Ксупова Мира,С.Бәйішев атындағы университеттің І курс студенті Жаңабергенова Мадина ана туралы әсем әндерін шырқаса, «Айсын» радиожурналистика мектебінің оқушылары Аманғали Арсен Әйгерім Тоқтаржанның  «Жер сызғанша басымды иіп тұрамын» және Дюсенбенова Аружан Мұқағали Мақатаевтың «Ана, сен бақыттысың» шығармаларын мәнерлеп оқыды. Әрбір адам үшін ең асыл, ең ардақты жан – Аналар күні мерекесімен барлық аналарды шын жүректен құттықтаймыз! Қымбат жандарымыз әрқашан аман болсын! Жүздерінен күлкі кетпей, денсаулықтары зор, ғұмырлары ұзақ та, мағыналы болсын дейміз!