28 қыркүйек күні  кітапханаларды дамыту бөлімінің ұйымдастыруымен «Кітап оқытуды ілгерілету тәсілдерінің  бірі – кітапхана жұмысының заманауи түрлері», - «Современные формы библиотечной работы как способ активации продвижения чтения» атты халықаралық онлайн конференция zoom платформасында өткізілді.  Конференцияға  А.Осмонов  атындағы Қырғызстан  Республикасының  Ұлттық  кітапханасы, Т.Сатылғанов атындағы Ош облыстық, Ресей Федерациясының В.И.Ленин атындағы Ульяновск облыстық, Н.К.Крупская атындағы Орынбор  облыстық  әмбебап  ғылыми  кітапханасы  және ҚР Ұлттық кітапханасы, Н.В.Гоголь атындағы Қарағанды, Л.Н.Толстой атындағы Қостанай, С.Торайғыров атындағы Павлодар облыстық кітапханаларының  қызметкерлері қатысты. Конференция спикерлері өз сөздерінде өз өңірлерінде оқуды ілгерілету бойынша жұмыс тәжірибесімен бөлісіп, таңдалған тақырыптың өзектілігін атап өтті. Шара  соңында  конференцияға қатысқан әріптестеріміз осындай маңызды шаралар өз жалғасын табатынына сенім білдіріп, ұйымдастырушыларға  алғыстарын айтты.