7 желтоқсан күні С.Бәйішев атындағы Ақтөбе облыстық әмбебап ғылыми кітапханасы Қ.Жұбанов атындағы Ақтөбе өңірлік университеті Басқарма мүшесі, Әлеуметтік және тәрбие жұмыстары жөніндегі проректоры Е.Е.Мұханбетқалиевтің, «Ақтөбе Медиа» ЖШС директоры Р.С.Отыншиннің, ақын, сазгер, ҚР Журналистер одағының мүшесі Т.Тілеулесовтың және Марат Оспанов атындағы Батыс Қазақстан Медициналық Университеті, Қ.Жұбанов атындағы АӨУ профессорлық-оқытушылық құрамының қатысуымен Ақтөбе облысының құрметті азаматы, философия ғылымдарының докторы, профессор,  ҚР Әлеуметтік Ғылымдар Академиясының академигі Алтай Тайжанұлымен «Ел руханиятының көрнекті тұлғасы»  кездесу кешін өткізді.  
Шара барысында кітапхана оқырмандарымен Тәуелсіз елдің рухани-мәдени құндылықтары, тәрбиесі мен білімі, ұлттық болмысы мен тарихи санасы, ұлттық танымы мен тағылымы, дүниетанымы жайында баяндама, сұрақ-жауап, пікір алмасу  болды.  
      Аталмыш шарада кітапхана оқырмандарының назарына «Парасатты пайым иесі» кітап көрмесі ұйымдастырылып, ғалымның еңбектеріне библиографиялық шолу жасалды.
     Шараға білім, ғылым, өнер, дін, мәдениет басшылары, қызметкерлері, зиялы қауым өкілдері қатысты.