8 қазан күні  қазақтың көрнекті жазушысы, ақын, драматургі Б.Майлиннің туғанына 130 жыл толуына орай «Қанатты қаламгер»  әдеби кеші өтті. Шараға  журналист, сатирик  А.Қонақбаева, Қ.Жұбанов атындағы АӨМУ, қазақ әдебиеті кафедрасының аға оқытушысы, филология ғылымдарының магистрі   Р.Жұмағалиева, №51 орта мектеп-гимназиясының қазақ тілі мен әдебиет пән мұғалімі Смайлова Нұргүл,  Алға ауданы, Маржанбұлақ орта мектебінің ұстазы  С.Мұқанов  қатысты. Олар Б.Майлиннің өмірі мен шығармашылығы туралы  тың ақпараттарымен  бөлісті.  Б.Майлиннің «Мырқымбай», «Күлпәш» секілді кейіпкерлері мен қазақы болмысты сыйпаттау шеберлігі жөнінде баяндады.

Шара барысында Б.Майлин атындағы Қостанай облыстық  тарихи-өлкетану  музейінде орналасқан Б.Майлинге  арналған  залдан  бейне  шолу  көрсетілді. Онда жазушының тұтынған заттары мен қолжазбалары сақталған.

Сонымен қатар №35 орта мектебінің 8 сынып оқушысы А.Мералиев, Қ.Жұбанов АӨМУ «Жас қаламгерлер» клубының мүшелері А.Дауғарина, Д.Сагизбаева, Маржанбұлақ орта мектебінің оқушысы І.Айбатқызы  қатысып, ақынның  «Алашордаға», «Қазаққа», «Мұсылмандық белгісі», «Жастарға» секілді өлеңдерін  оқыды.

Шара соңында кітапхана директоры Хакимова Сұлушаш Максимқызы оқырмандар мен қонақтарға ыстық ықыласы мен алғысын білдірді.