26 тамыз күні «Қаламгер» әдеби қонақжайында жазушы, журналист, Қазақстан Жазушылары және Журналистері одағының мүшесі, «Алаш» Халықаралық әдеби сыйлығының лауреаты, «Құрмет» орденінің иегері Мәди Айымбетовпен кездесу кеші өтті. Ақтөбелік жазушы Мәди Айымбетовтың шығармашылығын қалың оқырманға таныстырып, насихаттау мақсатында ұйымдастырылған кездесуге Байғанин ауданының құрметті азаматы Түрікпенбай Айжарықов,  «Ақтөбе-Медиа» компаниясының директоры, ҚР Журналистер одағы облыстық ұйымының төрағасы Раукен Отыншин, ақын, Қазақстан Жазушылар одағы Ақтөбе облыстық филиалының директоры Бауыржан Құрманқұлов, Ақтөбе мәдениет, архивтер және құжаттама басқармасының «Өнер және халық шығармашылық» бөлімінің  бас маманы Ұлмекен Молдағалиева және т.б. зиялы қауым өкілдері, журналистер, қалалық мектептердің қазақ тілі мен әдебиеті пәнінің мұғалімдері, кітапхана оқырмандары қатысты.
Шара барысында кітапхана қызметкерлері «Кемел ойлы, көркем сөзді жазушы» кітап көрмесіне библиографиялық шолу өткізіп, ақын Талғат Тілеулесов «Тұғыры биік тұлғалар» өлеңін тарту етті. Сонымен қатар, жазушы Мәди Айымбетов өзінің шығармашылық жолы және алдағы жоспарлары туралы баяндап, оқырман сауалдарына жауап беріп, пікір алмасты.Кітапхана директоры Сұлушаш Хакимова жазушыға шығармашылық табыстар тілеп, сый-сияпат көрсетті.