3 желтоқсанда биылғы жылы "Бір ел -бір кітап" республикалық акциясы аясында және 2024 жылы ЮНЕСКО көлемінде аталып өтіліп жатқан қазақ прозасына өзгеше өрнек, ғажайып сыр-сипат әкелген көрнекті қазақ жазушысы, балалар әдебиетінің классигі, ақын Бердібек Соқпақбаевтың туғанына 100 жыл толуына орай «Өзгеше ойлы қаламгер» атты оқырмандар конференциясы ұйымдастырылды.
Ақын,  философия докторы (PhD), Қазақстан Жазушылар Одағының мүшесі, ҚР ІІМ М.Бөкенбаев атындағы Ақтөбе заң институтының аға оқытушысы Ази Есентүгел Аманкелдіұлы, ҚР Мәдениет Қайраткері, ҚР Комрозиторлар Одағының Мүшесі, ҚР Авторлар Қоғамының мүшесі Бақтығали Жұмалыұлы Жұмалин,Ж.Тәшенов атындағы №68 жалпы білім беретін орта мектебінің қазақ тілі мен әдебиет пәнінің мұғалімі Саркулова Самал Қайратқызы, №74 жалпы білім беретін орта мектебінің қазақ тілі мен әдебиет пәнінің мұғалімі Разакова Жанна Асқарқызының қатысуымен өткен аталмыш шарадаәлем таныған жазушы, балалар әдебиетінің классигі,  ХХ ғасырда қазақ әдебиетін Хантәңіріндей биігіне көтерген қарымы бөлек қаламгер, таудай талант иесі - Бердібек Соқпақбаевтың өмірі мен қаламынан туындаған зор рухани-тарихи мәні бар шығармалары жайында айтылды.
      Шара барысында кітапхана оқырмандарының назарына ұйымдастырылған «Елім деп соққан жүрегі»  атты кітап көрмесі жасақталып, автордың танымал туындыларының қысқаша мазмұны баяндалып,библиографиялық шолу ұсынылып, «Халқы сүйген қаламгер» бейне баяны көрсетілді. Әйгілі тұлғаның шоқтығы биік шығармасы «Менің атым Қожа» сахналық қойылымы қойылып, көрермендерге «Ғажайып өріс» винториналық сұрақтар берілді және Бақтығали Жұмалин «Бақыт деген» әнін орындады.
      Кітапханашы Омарханова Гүлназия Абылайқызы ұлы тұлғаның  соңғы шығармасы болып есптелетін,көп айтыла бермейтін, базпасыз беттерінде жазыла бермейтін туындысы «Ергежейлі еліне саяхат» хикаятына шолу жасады. Шараға №37 орта мектебі, Ж.Тәшенов атындағы №68 жалпы білім беретін орта мектебі және №74 жалпы білім беретін орта мектебініңұстаздары мен оқушылары, кітапхана оқырмандары қатысты.