31 қазан күні кітапханада жазушы, Қазақстан Жазушылар одағының мүшесі, Қазақстан Республикасы Білім беру саласының үздігі Жұмабай Асарбаевтың «Жүректегі жалғыздық» және «Құмтөбеден басталған оқиға» кітаптарының таныстырылымы өтті.

Рухани басқосуға Ақтөбе облысының мәдениет, архивтер және құжаттама басқармасының бөлім басшысы Н.Б.Демешова, Қазақстан Республикасының Құрметті журналисі, өлкетанушы И.Асқар, ақын, Қазақстан Жазушылар одағының Ақтөбе облысы бойынша өкілі Б.М.Құрманқұлов, Шалқар ауданынының ардагерлер кеңесінің төрағасы, Шалқар ауданының Құрметті азаматы Е.Т.Төлепберген, филология ғылымдарының кандидаты, профессор, Қ.Жұбанов атындағы Ақтөбе өңірлік университеті ректорының кеңесшісі С.С.Мұхтаров, сондай-ақ ALT колледжінің оқытушылары мен студенттері, зиялы қауым өкілдері, жазушының туыстары, кітапхана оқырмандары қатысты.

Ақындар И.Кереева мен Г.Қалдина жазушы еңбектерінің көркемдік қуаты мен идеялық мәнін жоғары бағалап, авторға ізгі лебіздерін білдірді. Кешке қатысқан әдебиетсүйер қауым жазушыны құттықтап, жаңа шығармаларына сәттілік тіледі.

Кеш барысында Ғ. Жұбанова атындағы Ақтөбе облыстық филормониясының әншісі, Халықаралық және республикалық байқаулардың лауреаты Ғ.Әбдірова ана тақырыбындағы әндер орындады.Сонымен қатар «Тұлға тағылымы» атты кітап көрмесі ұйымдастырылып, библиографиялық шолу ұсынылды.