15 наурыз күні «Оқитын өлке» облыстық акция аясында таңдалып алынған жазушы, аудармашы, журналист Сара Мыңжасарованың 100 жылдығына арналған «Әйел бақыты» әдеби кеші  өтті.
Шараға ақын, Қазақстан Жазушылар одағы, Ақтөбе облыстық филиалының директоры Бауыржан Құрманқұлов, жазушы, сатирик, ҚР Журналистер одағының мүшесі, театртанушы Ардақ Қонақбаева, Сара Мыңжасарованың туыстары Жаңылдық Көптлеуова, Райымбай Ақтаев  қатысып, қаламгер туралы естеліктерімен бөлісті.  Әдеби кеште оқырмандарға Алматы қаласынан ZOOM платформасы арқылы жазушы, Қазақстанның еңбек сіңірген қайраткері, Халықаралық «Алаш» әдеби сыйлығының лауреаты, «Балбұлақ» журналының авторы, белгілі журналист Мағира Қожахметова  жылы лебізін  білдіріп,  шығармашы­лық жолда Сара Мыңжасаровамен қалай танысқаны, өмірінің соңғы  күн­деріне дейін жақын араласқаны туралы әңгімелеп берді. Сонымен қатар, Ақтөбе жоғары гуманитарлық колледжінің студенті Сермұханова Зеріп Сара Мыңжасарованың «Әйел бақыты» шығармасынан үзінді оқып, кітапхана оқырманы Қарлығаш Ержігітқызы «Әйел бақыты» романы бойынша өз пікірін білдірді. «Арай» өнер мектебінің оқушылары Дания Мейірманова,  Әдемі Сейсенбай, Камила Сағынаева Сырдың «Қара торғай» әнің тамаша  орындап берді.
       Сондай-ақ, кітапхана қызметкері Гүлбан Какенова «Рухы мықты жазушы» кітап көрмесіне библиографиялық шолу өткізіп, оқырмандарға сатирик-жазушы, Қазақстан Жазушылары Одағының мүшесі Төрежан Мәндібайдың  «Сара апаның соңғы сапары» бейнежазбасы, Лев Гумилев атындағы Еуразия ұлттық университетінің баспасөз және баспа ісі кафедрасының профессоры, филология ғылымдарының кандидаты Мендігүл Шындалиеваның «Төзім шеңбері» зерттеуі туралы сұхбаты, қаламгердың өмірбаянына арналған «Кішіқұмның қаламгер қызы» фото-шежіре слайд ұсынылды. Кітапхана директоры Сұлушаш Хакимова шараны қорытындылай келе, қаламгердың мерейтойына орай шаралар өз жалғасын табатындығы жөнінде айтып өтті.