Музыка сыншысы, этнограф, композитор  Затаевич Александр Викторовичтің 155 жыл толуына орай «Қазақтың ән қазынасын жинақтаушы»  тақырбында  шара өткізді.
Шараның мақсаты: XX ғасыр басындағы қазақ ән өнерінің насихатталуына  өзіндік  үлес қосқан өнер қайраткері  Александр Викторович Затаевичтің  еңбегін  насихаттау.
   Шара барысында Қ.Жұбанов атындағы  Ақтөбе өңірлік университетінің доценті, педагогика ғылымдарының кандидаты, ҚР композиторлар одағының мүшесі  Мукеева  Нұржамал Ерсайнқызы саналы ғұмырының ке­зең­дерін қазақтың ескі ән - күйлерін жи­нап, көне сарындарды нотаға түсіріп, қазақ ән-күйінің тарихына қатысты кітап жазуға арнаған, өнер шырақшысы - Александр Викторович Затаевичтің өмір жолы мен ұлт­тық руханиятымызда алар орнын, шығармашылығы турасында баяндады.
   Кітапхана оқырманы, зейнеткер ұстаз Жақсылықова Шолпан Жайылханқызы:  атасы Ақтөбелік, Хромтау ауданы, Қопа елді мекенінің тумасы Жездібаев Қуандық  Алтынбайұлы (кейін Алтынбаев болып әкесіне жазылған) студент кезінде Орынбор қаласында Александр  Викторович Затаевичпен кездескен. Естелік бойынша Александр  Викторович Затаевич ол кісінің орындаған «Қаридай -ау» әніне тәнті болып, қазақ әндерін жинақтауға бел буған, сөйтіп осы жолда «Қазақтың 1000 әні» жинағына үлес қосқандығы туралы тарихи тың деректерімен бөлісті.
Қ.Жұбанов атындағы Ақтөбе өңірлік университетінің  музыкалық білім бағдарламасының 2 курс магистранты  Ералы Күнім  Александр  Викторович  Затаевичтің нотаға түсірген Абайдың «Көзімнің қарасы»әннің әуенің қобызбен орындады.
«Қазақ сазының қызғыш құсы» кітап көрмесі жасақталып, «Өмір жолы»  бейнебаян  көрсетілді. Шараға  Қ.Жұбанов атындағы Ақтөбе өңірлік университеті, Ахмет Ақтөбе  гуманитарлық коллежінің студенттері, қатысты.