С.Бәйішев атындағы облыстық әмбебап ғылыми кітапханасының негізгі қорды сақтау  бөлімінің  қызметкерлері ағымдағы жылдың  14 мамырынан қыркүйек айлары аралығында  «Ақтөбе-алтын бесігім» атты жазғы шығармашылық маусымының ашылуына байланысты, ақтөбеліктерге тамаша көңіл - күй сыйлау, халық арасында «Еркін микрофон»  форматында халықтың  бос уақытын мазмұнды ұйымдастыру мақсатына орай   қаламыздың Сулы – жасыл бульварында  ақтөбелік ақын - жазушылардың шығармашылығына арналған және  олардың рухани асыл мұраларын оқырман қауымға  насихаттау барысында    «Жергілікті ақын - жазушылар мұрасы, болашақ ұрпақ қазынасы»  атты кітап көрмесін ұйымдастырды.

С.Бәйішев  атындағы Ақтөбе облыстық әмбебап  ғылыми кітапханасының ұйымдастыруымен 2021 жыл «Қазақстандағы балалар мен жасөспірімдердің кітап оқуын қолдау жылы» аясында ZOOM қосымшасында 11 мамыр күні «Балалар әдебиеті-ұрпақ тәрбиесінің талбесігі» атты облыстық семинары өтті. Іс-тәжірбие алмасу мақсатын көздеген облыстық семинарын С.Бәйішев атындағы АОӘҒ  кітапхана  директоры Раймбаева  Құралай Серікқызы ашты.

«1 мамыр – Қазақстан халықтарының бірлігі күні» айтулы мерекесіне орай Ырғыз аудандық орталықтандырылған кітапхана жүйесінің ұйымдастыруымен «Жарасқан Ырғызымның ынтымағы» атты аудандық конференциясы ZOOM қосымшасында өткізілді.
Конференцияға С.Бәйішев атындағы облыстық әмбебап ғылыми кітапханасының өлкетану әдебиеттер бөлімінің меңгерушісі Б.Снабаева қатысып, «Бірлік пен татулық – ел тұтастығының кепілі» тақырыбында Тәуелсіздікті, елдегі татулық пен келісімді күшейтуге Елбасының бастамасымен құрылған Қазақстан халқы Ассамблеясының 1995 жылы жарыққа шыққан жарлығына сәйкес бүгінгі күнгі тарихы мен айрықша қызметіне баяндама жасады.

14 сәуір күні С.Бәйішев атындағы облыстық әмбебап ғылыми кітапханасының өлкетану әдебиеттер бөлімінің ұйымдастыруымен ZOOM платформасында Мемлекет және қоғам қайраткері Ұзақбай Құлымбетовтің 130 жылдық мерейтойына орай «Алаш деп туған арысым» атты тарихи танымдық шарасы өткізілді.
Кітапхана қабырғасының zoom-online қосымшасында өткен танымдық шарасында өз заманындағы қазақ мемлекетін құрған Ұ.Құлымбетовтің Қазақстанға сіңірген еңбегі, қазақ тарихындағы орны қандай, оның тұлғалық қасиеті қалай танылды секілді мәселелер кеңінен баяндалды.

19 наурыз – «Шымырлық пен шеберлік» ұлттық спорт күні аясында кітапхананың өлкетану әдебиеттер бөлімі ҚР самбо және дзюдодан еңбегі сіңген жаттықтырушы, КСРО спорт шебері, ҚР спорт қайраткері, Халықаралық төреші - Асылбек Құлмағамбетов және ҚР бокстан еңбегі сіңген жаттықтырушы, КСРО спорт шебері, ҚР спорт қайраткері, 2001-2003 ж.ж. ҚР үздік бапкері - Әлімбек Балмағамбетовтің қатысуымен «Шынықсаң шымыр боларсың» атты ZOOM қосымшасында әңгіме-сұхбатын өткізді.

18 наурыз күні «Литература без границ»  жобасы аясында Ульяновск қаласының Е. А. Евтушенко атындағы №4 қалалық кітапханамен кезекті оnline-кездесу өтті.
Іс-шараның мақсаты - Ақтөбе (ҚР) және Ульяновск (РФ) қалаларының әдеби бірлестіктерінің жазушылары мен ақындарын таныстыру және қарым-қатынас жасау, сондай-ақ Ульяновск және Ақтөбе кітапханаларының кітапханашыларымен тәжірибе алмасу.

«Парасат жолы» орталығында 27 наурыз - Халықаралық театр күніне орай «Театр - адамның рухани серігі» атты театр актерларымен кездесу кеші өткізілді.

16 наурыз күні Наурыз мерекесіне орай ұйымдастырылған «Ең әдемі киім – ұлтыңның киімі» атты облыстық фотобайқаудың жеңімпаздары марапатталды. Байқауға 16 оқырман қатысып, І орынды Алтынбай А., ІІ орынды Орынбасарова А., ІІІ орынды Лакибаев Қ. иеленіп, арнайы дипломдар және сыйлықтар табысталды.

С.Бәйішев атындағы облыстық әмбебап ғылыми кітапханасында 15 наурыз - Дүниежүзілік тұтынушылардың құқығын қорғау күніне орай «Өз құқығың - қорғаның» атты Ақтөбе облысы тұтынушылардың құқықтарын қорғау департаменті мамандары қатысуымен дөңгелек үстел өтті.

8 наурыз - Халықаралық әйелдер күні мерекесіне орай кітапханада «Әлем – әйелдермен әдемі» атты кездесу кеші өтті. Еліміздің өркендеп өсуіне өзіндік қолтаңбасы бар, білектің күшімен емес, ақылды ісімен көпшіліктің көзайымына айналып түрлі салаларда қажырлы еңбек етіп жүрген, кәсіпкер, тігінші А.Сұлтангереева, Ақтөбе облысының Үкіметтік емес ұйымдары Қауымдастығының президенті А.Дүйсенова, «Ақтөбе» телеарнасының шеф редакторы Б.Биманова қонақта болды.