12 қазан күні  «Расул Гамзатов қоры» қоғамдық бірлестігімен (РФ, Дағыстан Республикасы) «Литература без границ»   жобасы аясында дағыстандық ақыны Расул Гамзатовтың туғанына 100 жыл толуына орай «Расул Гамзатов – певец добра и человечности» атты халықаралық онлайн кеш ұйымдастырды.
    Шараның мақсаты – оқырмандарға дағыстан ақыны Р.Гамзатовтың өмірі мен құнды шығармашылығын таныстыра отырып, толыққанды мәліметтер беру. Ақын шы­ғармалары арқылы жас ұрпақты отан­сүйгіштікке, адамгершілікке, мейірділікке тәр­биелеу, поэзияға қызығушылықтарын арттыру. Мәдениетаралық диалогты дамыту және халық арасындағы өзара түсіністікті  нығайту.

29 -    қыркүйек  Биыл республикалық «Әдебиет. Рух. Қоғам» әдебиет форумы  бесінші рет өткізілді. Әдеби байқау алғаш 2019 жылы әдеби форум ретінде бастау алып, кейін әдеби байқау ретінде бекітіліп жүлделі номинациялар тағайындалды. Байқаудың мақсаты – қазақ әдебиетінде көрнекті із қалдырған айтулы тұлғаларымыздың атын ұлықтау, насихаттау; Қазақ әдебиетінде әр түрлі жанрлар мен бағыттарда жазылған шығармалар қатарын толықтыру, ел мәдениетіне, казақ әдебиетіне үлес қосып жүрген танымал тұлғаларымыздың шығармаларын жас ұрпаққа үлгі ету, ұғындыру.Форумға облыс әкімі А.Шахаров, облыс әкімінің орынбасары Б.Ораққызы, ҚР Жазушылар Одағы төрағасының бірінші орынбасары, жазушы Н.Қуантаев, Жазушылар Одағы төрағасының орынбасары, ақын Қ.Бегманов және де республикамыздың әр түкпірінен келген номинант иегерлері, зиялы қауым өкілдері қатысты.Форум аясында өтетін әдеби байқау қорытындысы бойынша 11 номинация жеңімпаздары бағалы сыйлықтармен марапатталды.Сонымен қатар қонақтар мен көрермендерге арнап «Ақтөбе - әдебиет ордасы», «Ақтөбе - батырлар мекені», «Ақтөбе - құтты мекен», «Мерейтой иелері - 2023», «Әдебиет. Рух. Қоғам» кітап көрмесі қойылды

28 қыркүйек күні жазушы, публицист, аудармашы Өтебай Қанахиннің туғанына 100 жыл толуына орай «ТАЛАНТ ПЕН ТҰТАСТЫҚ» атты конференциясы өтті.
Конференцияға Ақтөбе облысы әкімінің орынбасары Бұлбұл Елеусінова, ҚР Жазушылар Одағы төрағасының орынбасары Қасымхан Бегманов пен Нұржан Қуантайұлы, ақын, Халықаралық «Алаш» әдеби сыйлығының лауреаты, Қазақстан Жазушылар одағы Ақтөбе облыстық филиалының директоры Ертай Ашықбаев, ҚР Құрметті журналисі, өлкетанушы Рахымжан Өтеміс, ҚР Өлкетанушылар одағы облыстық филиалының төрағасы Бекарыстан Мырзабай, «Тағзым», «Әке аманаты» атты тарихи кітаптарының авторы Әбдірахманов Талғат Жұмашұлы, гуманитарлық ғылым магистрі Гүлжайнар Алашбаева, Өтебай Қанахиннің інісі Абзал Байман, туыстары Рима Абетова және т.б. белгілі тұлғалар қатысты.
Шара барысында әлем бойынша ең ірі телерадиокорпорация «BBC» («Би-Би-Си»)  1989 жылы тамыз айында  түсірген, жазушы Өтебай Қанахиннің өз басынан өткен 1932 жылғы Қазақ жеріндегі ашаршылық туралы естеліктері ұсынылды.

    2023 жылы мемлекет және қоғам қайраткері, педагог, публицист Темірбек Қараұлы Жүргеновтің туғанына 125 жыл толды. Соған орай 21 қыркүйек күні С.Бәйішев атындағы Ақтөбе облыстық әмбебап ғылыми кітапханасында «КЕМЕҢГЕР МЕМЛЕКЕТ ҚАЙРАТКЕРІ»  тарихи-танымдық шара өтті.Темірбек Жүргенов 1898 жылы қараша айында Ақтөбе облысының Ырғыз ауданындағы Басықарақопа ауылында (Жабасақ маңы) бай отбасыда дүниеге келді. Ұлт жанашыры Темірбек Жүргенов 3-тамыз 1937 жылы «халық жауы» деген жалған айыппен қамалып, 1938 жылы 25-ақпан күні атылды. Шарада Қазақстан Журналистер одағының мүшесі, Қазақстан Республикасының Құрметті журналисі, «Алтын қалам» жүлдегері Аманқос Орынғалиұлы Темірбек Жүргеновтің өмірі мен қызметі туралы құнды мәлімет берді. Сонымен қатар, Темірбек Жүргеновтің өмірбаяны берілген арнайы бейнематериал көрсетілді, «Ұлттың рухын оятқан қайраткер» кітап көрмесінің библиографиялық шолуы жүргізілді.  Ақтөбе көпсалалы АГУ «Тарлан» колледжінің студенті Нұрбек Жақсылықов Темірбек Жүргеновке арналған Сақтаған Есмахановтың «Асыл аға» арнау өлеңін мәнерлеп оқыды.   Кітапхана мамандары Темірбек Қараұлының адал жары Дәмеш Әмірханқызының естелігін және Темірбек Жүргеновтің сатира жанрында жазылған «Переводчиктің қиялы» өлеңін оқыды. Ақтөбе гуманитарлық колледжінің жанындағы Айгүл Бақытбекқызының жетекшілігімен құрылған «Назқоңыр» домбырашылар ансамблі оқырмандарды әсем күйге бөледі.

18 тамыз күні оқырмандарға қызмет көрсету бөлімі Қазақстан Республикасы білім беру саласының үздігі Жұмабай Асарбаевпен «Өнегелі ғұмыр, өрелі еңбек»  тақырыбында кездесу кешін өкізді.    
Кешке Шалқар аудандық мәслихатының төрағасы С.Бегиев, ҚР Журналистер одағының мүшесі, ақпарат саласының үздігі – Н.Ә.Дияров, «Тілеу» қоғамдық қорының төрағасы – Қ.Елеусізов, ҚР Журналистер одағының мүшесі, ақпарат саласының үздігі-Ж.Қабақбаев,  дәрігер, Журналистер одағының мүшесі – Ж.Көптілеуов, Еңбек ардагері -Қ.Сүйеубаев, ҚР Журналистер одағының мүшесі, ақын, сазгер - Талғат Тілеулесов, сонымен қатар, зиялы қауым өкілдері, жергілікті ақын-жазушылар, Тағыберген Жамашұлының ұрпақтары, ұстаз Ж.Асарбаев және оның балалары, туысқандары, замандастары, «Елмұра» ұлттық-танымдық клубының мүшелері қатысты.

    16 маусым күні тұңғыш астроном, ғарышкер, Кеңес Одағының Батыры Виктор Пацаевтың 90 жылдығына орай «ҚР Ұлттық ұланының 6655 әскери бөлімінде»  «Әуе тарланы Виктор Пацаев» атты ақпарат сағаты өтті.
    Шарада «ҚР Ұлттық ұланының 6655 әскери бөлімінің» Тәрбие және Әлеуметтік Құқықтық бөлімінің аға көмекшісі, капитан Алтыншаш Балтабайқызы мен Ақтөбе облыстық Планетарий қызметкері Шахадат Сакенқызы сөз сөйлесе, Қ.Жұбанов атындағы Ақтөбе өңірлік университетінің 3 курс студенттері Ләззат Өтепбаева кітап көрмесінің библиографиялық шолу жүргізді. Көрме барысында сарбаздарға ғарышкер туралы бірнеше кітаптар насихатталды. Соның ішінде В.Пацаевтың қарындасы Галина Пацаеваның «Тюльпаны и звезды», «Отвага исканий» және «Самғау» кітаптары кеңінен аталды. «Самғау» кітабында ғарышкердің балалық шағы, Ақтөбе мен Пензадағы мектеп, институтта оқыған жылдары, сол уақыттағы достары туралы және оның жас кездегі космосты зерттеу жөніндегі  мақсатын орындауына қалай қолдау көрсеткені жайлы қызықты сыр шертілген.
    Нагима Елеуханова ақын, сазгер, аудармашы, тележурналист, ҚР Жазушылар және Журналистер одағының мүшесі, «Мәдениет саласының үздігі» Гүлсамал Аймаханованың «Жер серігі» өлеңін сарбаздарға мәнерлеп оқып берді. Шара соңында өлкетану әдебиет бөлімінің меңгерушісі Бақытгүл Снабаева қорытынды сөз сөйлеп, қатысушыларға алғыс хат табыстады.

         26 мамыр күні белгілі жазушы, ҚР Құрметті азаматы, ҚР «Отанға сіңірген еңбегі үшін» медалінің иегері Рауль Мир-Хайдаровпен кездесу кеші өтті.
          Шараға жазушы, аудармашы Мәди Абатұлы Раимов, мүсінші, ҚР Суретшілер одағының мүшесі, музей директоры Марат Габдрахманов, Ақтөбе облыстық мәслихатының депутаты, «Зару» санаториялық-пантотерапия орталығының жетекшісі Бану Тілегенова, ақын, журналистика саласының ардагері Малика Тугилова,  журналист Жанат Сисекенова, ҚОХУ гуманитарлық ғылымдар кафедрасының доценті, «Русский мир» орталығының директоры Елена Емельянова, Ақтөбе облысының татар, башқұрт «Шатлық»  ЭМБ, Қ.Жұбанов атындағы Жоғары колледж студенттері, «Актюбинский вестник» газетінің тілшісі Нургуль Аринова, №22 Ақтөбе қаласы мектебінің мұғалімдері мен оқушылары және кітапхана қызметкерлері мен оқырмандары қатысты.

         24 мамырда оқырмандарға қызмет көрсету бөлімі Ұлт-азаттық қозғалыстың белсенді ұйымдастырушылары, ержүрек батырлар Бекет Серкебайұлы мен Ерназар Кенжалыұлының ерліктеріне  арналған «Ұранды елдің-ұрпағы қайсар» тарихи тағылымдық кеш өткізді.
«Батырлардың тарихи деректерге тіркелуі» тақырыбында сөз сөйлеген еңбек ардагері, Қазақстанның үздік өлкетанушысы Мухамбетулин Аманғали Маханұлы және Қазақстан Республикасы  журналистер одағының мүшесі, ақпарат саласының үздігі, еңбек ардагері – Қабақбаев Жанғабыл Жұмағалиұлы сонау бір замандарда, қаптаған қалың жауға қасқая қарсы тұрып,  жас өмірлерін өлімге қиған батырлар Бекет Серкебайұлы мен Ерназар Кенжалыұлының  өмірлері мен ерліктері жайында ойларын ортаға салды.    
        Батырлар туралы бізге жеткен құнды дерек-жасындай жарқылдап өткен аз өмірлері арқылы халқының санасына өшпестей із қалдырған, ел-жұртының айрықша қастерлеп, арнап шығарған «Бекет батыр» тарихи жырының шығу тарихын жыршы ЖолымбетовДемеубай Құрмашұлы әңгімелеп, жырды орындады.

23 мамыр күні кітапханада Ұлы ойшыл ақын Шәкәрім Құдайбердіұлының 165 жылдығына орай     1 сәуір мен 17 мамыр аралығында  жарияланған «Шәкәрім мұрасы – ұрпаққа аманат» облыстық эссе жазу байқауының қорытындысы өтті.
           Байқау нәтижесімен, 36 қатысушының  эссе жұмыстары байқау комиссиясының төрағасы, ақын, ҚР Жазушылар және Журналистер одағының мүшесі, өнер зерттеушісі, білім беру және мәдениет саласының ардагері, ҚР Педагогикалық Ғылымдар Академиясының академигі Н.А.Қалауов және мүшелері: Қ.Жұбанов атындағы Ақтөбе өңірлік университетінің PhD докторанты, қазақ филологиясы кафедрасының аға оқытушысы Г.С.Обаева, №30 қазақ орта мектебі, директордың тәрбие ісі жөніндегі орынбасары, қазақ тілі мен әдебиеті пәні мұғалімі М.Ж.Қобландина, ұстаз, ақын, көркем өнер иесі С.Қайдасовтың тексеруімен іріктеліп, 7 қатысушы жүлделі: С.Бәйішев атындағы Жоғары медициналық колледжінің 2-курс студенті Әліби Батырбекұлы Сағидолла бас жүлдеге, Кеңес Одағының Батыры Мәншүк Мәметова атындағы Ақтөбе Жоғары медициналық колледжінің студенті Мәдина Болатқызы Төлеуіш I орын, Әл-Фараби атындағы №21 мамандандырылған гимназияның 11-класс оқушысы Карина Муратовна Лукманова II   орын, Ғ.Ақтаев атындағы №6 мектеп гиназияның 10 - класс оқушысы Әділхан Диана Серікжанқызы III орындарға ұсынылды.

Халық батыры Сапура Мәтенқызының 270 жылдығына арналған «ҚАЗАҚТЫҢ ҚАЙСАР ҚЫЗЫ САПУРА» республикалық ғылыми-теориялық конференциясы өтті.
Конференцияның мақсаты – оқырмандарға Халық батыры Сапура Мәтенқызының есімін ұлықтап, ол туралы айтылған халық аузындағы аңыз-әңгімелер мен шығармаларды насихаттау.
         Шараға ақын, Қазақстан Жазушылар Одағының мүшесі, «Табылды Досымов» атындағы қоғамдық республикалық қорының жетекшісі, Ақтөбе облыстық мәслихатының депутаты Бижан Қалмағанбетов, ақын, «Ерен еңбегі үшін» және «Құрмет» ордендерінің иегері, ҚР Жазушылар  одағының Ж.Нәжімеденов атындағы сыйлығының лауреаты Мейірхан Ақдәулетұлы, ақын,  ҚР Жазушылар және Журналистер  одағының мүшесі, өнер зерттеушісі, ҚР Педагогикалық Ғылымдар Академиясының академигі Нұрлыбек Қалауов, Филолог-өлкетанушы, облыстық тарихи-өлкетану  музей  жанындағы «Руханият» патриоттық-танымдық клуб төрағасы, «Аманат» экспедиция  жетекшісі Жібек Абдуллина, облыстық тарихи-өлкетану музейінің  Қобда сектор бөлімінің меңгерушісі Гулбаршын Ерғалиева, белгілі мүсінші, ҚР Сүретшілер одағының мүшесі Ахмет Құбаев, тарихшы, өлкетанушы Исламғали Бітік, кітапхана оқырмандары мен Ақтөбе гуманитарлық колледжі, А.Жұбанов атындағы музыкалық колледжінің студенттері қатысты.