21 сәуір  күні  ерекше тұлға, азаттықты аңсаған, поэзия мен журналистиканың жарық жұлдызы болған Ғұмар Қараштың 150 жылдық мерейтойына арналған «Азаттықты аңсаған - Ғұмар Қараш» әдеби кеші өтті. Кешке № 51 мектеп-гимазиясы қазақ тілі мен әдебиеті пәні мұғалімі Нұргүл Смайлова, Дүние колледжінің гуманитарлық ғылымдар магистрі, тарих пәнінің мұғалімі Қайралапина  Алмагүл  Жасқайратқызы, Ұзақбай Құлымбетов атындағы  № 64 ЖББОМ тарих пәні мұғалімі Төремұратова Нұрсауле Хусейқызы қатысты.Олар ақынның өмірі мен шығармашылығы, ғылыми еңбек жолы жөнінде оқырмандарға тың ақпараттарымен  бөлісіп, шығармаларын талдады.

18 сәуір күні кітапхана қызметкерлері  Әбілқайыр хан кеңесшілерінің бірі, жырау Мөңке би Тілеуұлының туғанына 350 жыл толуына орай «Дала данасы-Мөңке би» тарихи-танымдық кеш өткізді. 

          «Ұлттық кітап күні» аясында «ҚАЛАМГЕР» әдеби қонақжайында ақын, Қазақстан Жазушылар одағының мүшесі Мәрлен Ғилымханның шығармашылығына арналған «Санадағы сұлбалар» кездесу кеші және «Төбелер стихиясы» кітабының таныстырылымы өтті.   Кездесу кешіне ақын, көсемсөз шебері, халықаралық «Алаш» әдеби сыйлығының иегері Мейірхан Ақдәулет, ақын, Қазақстан Жазушылар одағының Ақтөбе облысы бойынша өкілі Бауыржан Құрманқұлов және өзге де зиялы қауым өкілдері қатысты.

17 мамыр күні  қазақтың әйгілі жазушысы, ақыны, қоғам қайраткері, Қазақ КСР Ғылым академиясының академигі Сәбит Мұқановтың 125 жылдығына арналған  «Жол таптым бар қазақтың жүрегіне!» әдеби кеші өтті. Кеш қонақтары  Педагогика ғылымдарының магистрі - Бекнияз Жайнагүл Амандыққызы; №8 орта мектебінің мұғалімі -Шатенова Айнаш Тәжіқызы жазушының өмірі мен шығармашылығы жөнінде оқырмандарға тың ақпараттарымен бөлісіп, шығармаларын талдады. Кеш барысында қазақтың мемлекеттік М.Әуезов атындағы академиялық драма театрының «Мөлдір махаббат» спектаклінен үзінді ұсынылды. Сонымен қатар  «Үркер» шығармашылық ортасының мүшелері Қ.Алпысбаева, А.Сламғали,  №8 орта мектебінің оқушысы Г.Жолдасбаева, ақын өлеңдерін оқыды. Кеш барысында «Заманының заңғар жазушысы» кітап көрмесіне библиографиялық шолу таныстырылды

16 сәуір күні кітапхана қызметкерлері шығыстанушы, тарихшы, фольклоршы, этнограф, географ, ағартушы Ш.Ш.Уәлихановтың туғанына 190 жыл толуына орай «Шоқан Шыңғысұлы Уәлиханов-қазақ халқының тұңғыш ғалымы» республикалық ғылыми-теориялық конференция өткізді.   

   15 сәуір  күні   С.Бәйішев атындағы  Ақтөбе  облыстық  әмбебап  ғылыми  кітапханасында композитор  Шәмші Қалдаяқовтың туғанына  95 жыл  толуына орай  «Ән падишасы» әдеби әуен  кеші  өтті.Мақсаты : Әр  қазақтың жүрек түкпірінен орын алып, ән әлемімізге жарық жұлдыздай сәуле шашқан вальс королі атанған Шәмші Қалдаяқовтың әндеріне шолу жасау, шығармашылығын  насихаттау. Сұлулыққа, әсемдікке,  елжандылыққа  баулу.

   Бүгінгі шарамызға Ақтөбе айма­ғына, өңірдің өр­кендеуіне сүбелі үлес  қосқан белгілі азамат  Бақыт Ғизатов, композитор, ҚР  мәдениет қайраткері, Қазақстан  Композиторлар   одағының мүшесі Тереков Орынбасар Ембергенұлы, тарихшы-өлкетанушы Баян­ғали Құлтаев, Ақтөбе жоғары гуманитарлық колледжінің оқытушысы Шумакова Шолпан  Ахметқызы қатысты.

10 сәуір күні кітапхана қызметкерлері мемлекет және қоғам қайраткері, ғалым,экономика ғылымдарының докторы  Нұрдәулет Күзембайұлы Күзембаевқа арналған « Нұрдәулет Күзембаев: мемлекет және қоғам қайраткері, ғалым» облыстық ғылыми конференция өткізді. Кеңес заманындағы мемлекеттік қоғамдық-саяси қайраткерлік биігіне көтерілген белгілі ғалым Н.К.Күзембаев Қазақстанның дамуы мен өркендеуіне сүбелі үлес қосты, елеулі еңбек сіңірді.

1 сәуір күні  Сақтаған Бәйішев атындағы Ақтөбе облыстық әмбебап ғылыми кітапханасында композиторға арналған "Саз суреткері" танымдық - әуен кеші өтті.  Шара барысында Композитор, ҚР мәдениет қайраткері, Қазақстан Композиторлар одағының мүшесі Мақсым Менкешов ағай өз естеліктерімен бөлісті. Ахмет Жұбанов атындағы Ақтөбе музыкалық колледжінің халық аспаптар бөлімінің мұғалімі Сапаров Мәлік Серікұлы оркестрдің музыкалық аспаптарына тоқталып өтті. Ахмет Жұбанов атындағы Ақтөбе музыкалық колледжінің студенттері Елембаев Ақжол мен Серіков Асылбек "Әлқисса", "Жекпе - жек"күйлерін орындаса, Сейітова Томирис пен Жұбат Дәурен "Құстар қайтып барады" әнін шырқады.  Ақтөбе жоғары гуманитарлық колледжінің студенті Нәржу Еркебұлан "Аққу", Орынбасар Ислам "Баламишка" күйлерін тарту етті.  Композитордың өмірінен, шығармашылығынан бейнебаян көрсетілді. Шара соңында " Қазақ сазының сайыпқыраны" кітап көрмесіне шолу жасалды.

19 наурыз күні «БІР ЕЛ-БІР КІТАП» республикалық акциясы аясында қазақ әдебиетінің классик жазушысы Тәкен Әлімқұловтың шығармашылығына арналған «Кеуде бейне күй сандык...» тақырыбында әдеби кеш өтті. Кешке Қ.Жұбанов атындағы Ақтөбе өңірлік университетінің оқытушысы, доцент Елеусинова  Гүлім Елеусінқызы, №51 мектеп-гимназиясының қазақ тілі мен әдебиеті пәні мұғалімі - Смайлова  Нұргүл Нұрсұлтанқызы, Ұ.Құлымбетов атындағы  №64 ЖББОМ  қазақ тілі мен әдебиеті пәні мұғалімі Саметова Жазира Мырзагалиқызы  қатысты. Олар Тәкен Әлімқұловтың «Сарыжайлау», «Қара қобыз», «Көк қаршыға», «Қараой», «Сейтек сарыны», «Телқоңыр» әңгімелері туралы кітаптарынан үзінділер оқыды және тарихи жады мен халық мәдениетін әдебиет арқылы сақтаудың маңыздылығы жайлы айтып, алған әсерлерімен  бөлісті.

18 наурыз күні «Тарихы терең Ақтөбе» жобасы аясында халық ақыны, жыршы Нұрпейіс Байғаниннің 165 жылдығына арналған «Жыр тарланы» жыр кеші өтті. Аталған жыр кешіне ақын, Қазақстан Жазушылар одағының Ақтөбе облысы бойынша өкілі Бауыржан Құрманқұлов, профессор, филология  ғылымдарының докторы, академик Жұманазар Асанов, ақын, ҚР Жазушылар одағының мүшесі,  академик Нұрлыбек Қалауов, Н.Байғанин атындағы Ақтөбе облыстық балалар кітапханасының директоры Эльмира   Кашкенова, Н.Байғаниннің келіні Манар Байғанина және немерелері Гүлмира Момынқызы, Өмірзақ Байғанин, сондай-ақ өңірге белгілі зиялы қауым өкілдері қатысты.