Бүгін «Оқитын өлке» облыстық акциясы аясында жазушы, сатирик, журналист Үмбетбай Уайдиннің 90 жылдығына арналған «Сырымды айтайыншы» әдеби кеші өтті.

Аталған шараға жазушы, сатирик, Қазақстан Жазушылар одағының мүшесі Төрежан Мәндібай, ақын, Қазақстан Жазушылар және Журналистер одағының мүшесі, білім беру және мәдениет саласының ардагері, ҚР Педагогикалық Ғылымдар Академиясының академигі Нұрлыбек Қалауов, журналист, сатирик, жазушы, Қазақстан Журналистер одағының мүшесі Ардақ Қонақбаева, Қазақстанның мәдениет қайраткері, жазушы сатирик, сатира жанры бойынша Үмбетбай Уайдин атындағы жүлде иегері, «Екі Езу» әзіл - сықақ театрының директоры Нұрлыбек Жұбатқан, «Ер Едіге» жыр мектебінің көркемдік жетекшісі, жырау, ұстаз Әділбек Сарин, кітапхана оқырмандары мен студент-жастар қатысты.

10 тамыз күні Абай даңғылында ұлы ойшыл Абай Құнанбайұлының 180 жылдығына арналған «Абай күні» әдеби фестивалі өтті.

20 маусым күні  кітапханада кітап арқылы ұлы тұлғаны алаш жұртына кеңірек таныстырып, алдағы уақытта ол кісінің есімін ұлықтау жолында басталатын үлкен істерге алғашқы қадам жасау мақсатында Хансұлтан Тоғысұлы Сүйіншәлиннің туғанына 120 жыл толуына орай  «Комиссар Хансұлтан Тоғысұлы Сүйіншәлин» кітабының таныстырылымы өтті.
2023 жылы Ақтөбе: «Ажар-АБК» баспаханасынан жарық көрген бұл еңбектің құрастырушы авторлары: қазақ журналистикасының қайраткері,  «Қазақ спорт-туризм» академиясының құрметті профессоры, республикалық «Спорт жұлдыздары»  журналының редакторы М.С.Тасқалиев және Ақтөбе облысының мемлекеттік архивінің ғылыми қызметкері Е.С.Бақтияров.

Мамырдың 6-сы күні «Шекарасыз әдебиет» халықаралық жобасының аясында Н.Крупская атындағы Орынбор облыстық әмбебап ғылыми кітапханасымен бірлесе Кеңес Одағының Батыры Әлия Молдағұлованың 100 жылдығына арналған «Подвиг длиною в жизнь» тарихи-танымдық (оnline) кеші өтті.

«Zoom» қосымшасы арқылы өткен шараға Н.Крупская атындағы Орынбор облыстық әмбебап ғылыми кітапханасының директоры Светлана Мячина мен кітапхана қызметкерлері Екатерина Бурлакова, Дмитрий Сальников, Анастасия Четверикова қатысты. Сондай-ақ техника ғылымдарының кандидаты, доцент, РФ Президенті жанындағы Мәскеу мемлекеттік және муниципалдық басқару академиясының профессоры, Қ.Жұбанов атындағы Ақтөбе өнірлік университетінің профессоры, Мәскеудегі Ақтөбе қоғамдастығының мүшесі Асылбек Төлешов, Әлия Молдағүлованың туысы Ария Хабиева, Ақтөбе қалалық №9 орта мектеп-гимназиясы тарих пәнінің мұғалімі, педагог-эксперт Гүлсара Сексембаева қатысып, батырдың өмірі мен ерен ерлігі туралы баяндады.

2 мамыр күні қазақтың қаһарман қызы, Кеңес Одағының Батыры Әлия Молдағұлованың 100 жылдығына  арналған «Әлия — батыр қызы сен халқымның»  әдеби-сазды кеші өтті. Кешке Ақтөбе жоғарғы гуманитарлық колледжінің оқытушысы Ләззат Балғазиева шәкірті Нұрила Тілектесовамен бірге қатысып, батыр қыздың өмірі, ерен ерлігі туралы баяндама оқыды.      

2 мамыр кұні Ұлы жеңістің 80 жылдығы мен Кеңес Одағының батырлары, Ідіріс Үргенішбаев, Абдолла Жанзақов, Қожабай Жазықов, Малкеждар Бөкенбаевтың жанқияр ерліктерін насихаттау мақсатында, «Ерлікке тағзым» әдеби кеші өтті Кеш қонақтары ҚР мәдениет саласының және мемлекеттік қызметтің үздігі, Қазақстан Журналистер Одағы мүшесі, Ақтөбе облыстық тарихи-өлкетану музейінің ғылыми қызметкері Е. Қыдырғали Мұхитұлы; Балғали Қожағалиұлы (Қ.Жазықовтың ұрпағы); М.Бөкенбаев Ақтөбе заң институтының полиция аға лейтенанты Айсұлтан Бекет Ардақұлы Ұлы Отан соғысында озбырлықпен жанкешті еңбек еткен майдангерлердің ерліктеріне тоқталып, оқырмандарды Отанға деген шексіз, риясыз махаббатпен жақсы көруге шақырды. Сонымен қатар Кеңес Одағының Батырларына арналған бейне материалдар мен М.Бөкенбаевтың 100 жылдығына арналған деректі кинофильм көрсетілді. Кеш барысында «Иба» əдеби-мəдени клубының мүшелері Мұқағали Маралұлы, Алмас Жібек, Ақтемісова Райна, Болатқызы Ақиба «Өшпеген жалын», «Батырға тағзым», «Жеңіс», «Мен қазақпын» өлеңдерін оқыды. Оқырмандарға арналған «Тарих беттері сыр шертеді» кітап көрмесіне библиографиялық шолу таныстырылды

    22 сәуір күні Ұлттық кітап күні аясында айтулы ақыны, арқалы жыршы Ақтан Керейұлының 175 жылдығына арналған «Бес жүйріктің бірі еді Ақтан ақын» республикалық оnline әдеби-тарихи танымдық кеші ұйымдастырылды.               

21 сәуір  күні  ерекше тұлға, азаттықты аңсаған, поэзия мен журналистиканың жарық жұлдызы болған Ғұмар Қараштың 150 жылдық мерейтойына арналған «Азаттықты аңсаған - Ғұмар Қараш» әдеби кеші өтті. Кешке № 51 мектеп-гимазиясы қазақ тілі мен әдебиеті пәні мұғалімі Нұргүл Смайлова, Дүние колледжінің гуманитарлық ғылымдар магистрі, тарих пәнінің мұғалімі Қайралапина  Алмагүл  Жасқайратқызы, Ұзақбай Құлымбетов атындағы  № 64 ЖББОМ тарих пәні мұғалімі Төремұратова Нұрсауле Хусейқызы қатысты.Олар ақынның өмірі мен шығармашылығы, ғылыми еңбек жолы жөнінде оқырмандарға тың ақпараттарымен  бөлісіп, шығармаларын талдады.

18 сәуір күні кітапхана қызметкерлері  Әбілқайыр хан кеңесшілерінің бірі, жырау Мөңке би Тілеуұлының туғанына 350 жыл толуына орай «Дала данасы-Мөңке би» тарихи-танымдық кеш өткізді. 

          «Ұлттық кітап күні» аясында «ҚАЛАМГЕР» әдеби қонақжайында ақын, Қазақстан Жазушылар одағының мүшесі Мәрлен Ғилымханның шығармашылығына арналған «Санадағы сұлбалар» кездесу кеші және «Төбелер стихиясы» кітабының таныстырылымы өтті.   Кездесу кешіне ақын, көсемсөз шебері, халықаралық «Алаш» әдеби сыйлығының иегері Мейірхан Ақдәулет, ақын, Қазақстан Жазушылар одағының Ақтөбе облысы бойынша өкілі Бауыржан Құрманқұлов және өзге де зиялы қауым өкілдері қатысты.