3 желтоқсанда биылғы жылы "Бір ел -бір кітап" республикалық акциясы аясында және 2024 жылы ЮНЕСКО көлемінде аталып өтіліп жатқан қазақ прозасына өзгеше өрнек, ғажайып сыр-сипат әкелген көрнекті қазақ жазушысы, балалар әдебиетінің классигі, ақын Бердібек Соқпақбаевтың туғанына 100 жыл толуына орай «Өзгеше ойлы қаламгер» атты оқырмандар конференциясы ұйымдастырылды.
Ақын,  философия докторы (PhD), Қазақстан Жазушылар Одағының мүшесі, ҚР ІІМ М.Бөкенбаев атындағы Ақтөбе заң институтының аға оқытушысы Ази Есентүгел Аманкелдіұлы, ҚР Мәдениет Қайраткері, ҚР Комрозиторлар Одағының Мүшесі, ҚР Авторлар Қоғамының мүшесі Бақтығали Жұмалыұлы Жұмалин,Ж.Тәшенов атындағы №68 жалпы білім беретін орта мектебінің қазақ тілі мен әдебиет пәнінің мұғалімі Саркулова Самал Қайратқызы, №74 жалпы білім беретін орта мектебінің қазақ тілі мен әдебиет пәнінің мұғалімі Разакова Жанна Асқарқызының қатысуымен өткен аталмыш шарадаәлем таныған жазушы, балалар әдебиетінің классигі,  ХХ ғасырда қазақ әдебиетін Хантәңіріндей биігіне көтерген қарымы бөлек қаламгер, таудай талант иесі - Бердібек Соқпақбаевтың өмірі мен қаламынан туындаған зор рухани-тарихи мәні бар шығармалары жайында айтылды.

26 қараша күні «Тарихы терең Ақтөбе»  жобасы аясында Халық батыры Сапура Мәтенқызының өміріне арналған «Қазақтың қайсар қызы – Сапура» тарихи-танымдық кеші өтті. Іс-шараның негізгі мақсаты – Халық батыры Сапура Мәтенқызының өмірбаяны дәріптеп, ел тыныштығы жолында атқарған ерлік істерін насихаттау. Сонымен қатар, батыры қызы Сапура Мәтенқызының ерліктерін үлгі ете отырып, батырлық пен ерлік ұғымдарының терең мағынасын ашу. Шараға ақын, Қазақстан Жазушылар Одағының мүшесі, Ақтөбе облыстық мәслихатының депутаты Бижан Қалмағанбетов; СНПС - Ақтөбе МұнайГаз» ардагерлер ұйымы ҚБ төрағасы Боранбай Абдулла;  филолог-өлкетанушы, «Аманат» экспедиция  жетекшісі Жібек Абдуллина; Ақтөбе облыстық тарихи-өлкетану музейінің  Қобда сектор бөлімінің меңгерушісі Гулбаршын Ерғалиева;  ақын, ҚР жазушылар одағының мүшесі Гүлжайнар  Қалдина; «Спорт жұлдыздары» республикалық журналының бас редакторы Мұсағали Тасқалиев қатысты. Олар Халық батыры Сапура Мәтенқызының ерлікке толы  өмір жолы туралы  баяндап, жастарды ғылыми-зерттеу жұмыстарын жүргізуге, ізденуге шақырды.

22 қараша күні еңбек ардагері, ҚР мәдениет қайраткері, өлкетанушы-этнограф, «Құрмет» орденіңің иегері Еркін Құрманбектің 80 жасқа толуына арналған «Жақсылық жаршысы» атты сыр-сұхбаты өтті. Мәдениет қайраткерінің өмірі мен еңбек жолын кейінгі жастарға насихаттап, үлгі ету мақсатында ұйымдастырылған іс-шараға Ақтөбе   облыстық мәдениет, архивтер және құжаттама  басқармасының маманы Әсемгүл Жұманова; ақын, Қазақстан Жазушылар одағының мүшесі Нұрлыбек Қалауов; «AMANAT» партиясы Ақтөбе облыстық филиалы атқарушы хатшысының орынбасары  Әсел Сарманова, «Қоғамдық келісім» мекемесі Ақтөбе облыстық аналар кеңесінің төрағасы Роза Серғалина; күйші Жайлаубай Асылханов; «Нобель» баспасының директоры Нұрлан Жұмағалиев; Мәртөк аудандық музейінің директоры Ұлдай Осанова;

С.Бәйішев атындағы Ақтөбе облыстық әмбебап ғылыми кітапханасында  Қазақстан қолөнершілер Одағының мүшесі, ЮНЕСКО сапа белгісінің иегері, қолөнер шебері Әбілов Ерқосай Қожбанұлы  оқырмандармен  кездесті. «Қолөнер – сырлы өнер» тақырыбын арқау еткен  кездесу барысында қолөнер шебері Әбілов Ерқосай Қожбанұлы  сан ғасырлық тарихы бар, ұрпақтан ұрпаққа мирас болып жеткен қолөнердің қыр-сырына тоқталып, өзінің  қолөнер әлемінде дәстүрлі бағыттағы ұлттық өнеріміздің даму жолындағы ізденіс  үстіндегі ұстанымы мен нәтижелері туралы сөз өрбітіп, алдағы жоспарларымен бөлісті. Оқырмандар тарапынан қойылған сұрақтарына тоқталып өтті.

С.Бәйішев атындағы облыстық әмбебап ғылыми кітапханасында Қазақстанның Еңбек Ері, Қазақстанның халық жазушысы, қазақ әдебиетінің классигі, көрнекті мемлекет және қоғам қайраткері Әбіш Кекілбаевтың 85 жылдық мерейтойына арналған «Әбіш Кекілбаев – замана заңғары, сөз зергері» әдеби кеші өтті.  Кеш қонақтары өлкетанушы, тарихшы, зерттеуші Мырзабай Бекарыстан Боранқұлұлы,Ақтөбе облысы бойынша «Үкіметтік емес ұйымдар қауымдастығының» Президенті  Елдесов Арман Тілепұлы, Әлем Халықтары Жазушылар Одағының төрағасы, №40 орта мектебінің мұғалімі Жұбатова Жарқынай Тажаяққызы жазушының өмірі мен шығармашылығы, қоғамдағы саяси рөлі  жөнінде баяндады.

 Кітапхана қызметкерлері Әбіш Кекілбайұлы атындағы №72 жалпы білім беретін орта ІТ мектеп-лицейінің тарих пәні мұғалімдерімен бірлесіп, Қазақ хандығы тұсындағы әйел тұлғаларының қайраткерлігін, мұрасын насихаттау мақсатында «Тарихта аты қалған Бопай ханша» танымдық сағатын өткізді. Әлемнің бар асылына тең нәзік жанды қазақ арулары әдемілікпен қоса, батырлығы мен батылдығымен атағы алысқа тараған.Әйел қауымы-қай қоғамда болсын жақсылықтың бастауы, дәстүрдің мәйегі, өркендеу мен үйлесімнің ұйытқысы. Осындай тәлім-тәрбиенің ұраны мен қағидатына айналған асыл тұлғалы әйел-аналарымыздың бірі-Бопай ханша.

14 қараша күні жазушы Тобық Жармағамбетовтың  90 жылдығына арналған «Жарқамыстан шыққан жазушы» әдеби кеші ұйымдастырылды.  Шараның мақсаты – жазушы Т.Жармағамбетовтың шығармашылығын насихаттау. Шараға ақын, Қазақстан Жазушылар одағының мүшесі, «Ақтөбе» телеарнасының ардагері Жақсылық Айжанов; Тобық Жармағамбетовтың туысы Болат Жармағамбетов; қаламгердың шәкірті Жеңіс Қазиев; ақын, ҚР   Жазушылар және Журналистер  одағының мүшесі, өнер зерттеушісі,  білім беру және мәдениет саласының ардагері, ҚР Педагогикалық Ғылымдар  Академиясының академигі Нұрлыбек Қалауов;   Ақтөбе жоғары гуманитарлық колледжі қазақ тілі мен әдебиеті пәнінің оқытушысы Ағипа Мұхтарова қаламгердың өмірбаяны мен шығармашылығы туралы баяндап беріп, естеліктермен бөлісті.

12 қараша күні  кітапхана қызметкерлері қазақ тіл білімінің теориялық негізін қалаушылардың бірі, ұлттық филологиямыздың тұңғыш профессоры, түркітанушы, педагог, қазақ лингвистикасының негізін салған ірі ғалым, терең білімдарлық пен зор дарын иесі, ірі оқымысты әрі қоғам қайраткері Құдайберген Қуанұлы Жұбановтың туғанына 125 жыл толуына орай «Тұңғыш тіл профессоры» кітапханалық журфикс  шарасын өткізді.
Ақтөбе облыстық мәдениет, архивтер және құжаттама басқармасының басшысы А.Ю.Юнисова, М.Оспанов атындағы Батыс Қазақстан медициналық университетінен философия ғылымдарының докторы, профессор, Қазақстан Республикасы Әлеуметтік ғылымдар академиясының академигі А.Т.Тайжанов, Қ.Жұбанов атындағы Ақтөбе Өңірлік Университеті, «Теориялық және қолданбалы тіл білімі» кафедрасы, филология ғылымдарының кандидаты, доцент Н.А.Садуақас, Қ.Жұбановтың немересі, филология ғылымдарының кандидаты, доцент, полиглот А.Е.Жұбанова (зум қосымшасы арқылы), Халықаралық «Қазақ тілі» қоғамы Ақтөбе қалалық ұйымының төрағасы, филология ғылымдарының кандидаты,  доцент Н.М.Алдашев және ақын, Жазушылар одағының мүшесі Г.Н.Қалдина, Ақтөбе облыстық ішкі саясат басқармасының бөлім басшысы Н.Ж.Көшеров, жас жұбановтанушы, №22 орта мектебінің қазақ тілі мен әдебиет пәні мұғалімі Д.Қ.Әмірбекұлының қатысуымен өткен аталмыш шарада Қ.Қ.Жұбановтың  жан-жақтылығы, ойшылдылығы, оның қаламынан туындаған зор рухани-тарихи мәні бар шығармалары және тіл білімінің дамуына қосқан өлшеусіз үлесі жайында айтылды.

8 қараша күні С.Бәйішев атындағы облыстық әмбебап ғылыми кітапханасында қазақ әдебиетінде өзіндік қолтаңба қалдырған қаламгер, қазақтың халық  жазушысы, КСРО Мемлекеттік сыйлығының лауреаты   Әбдіжәміл Кәрімұлы Нұрпейісовтің 100 жылдық мерейтойына арналған «Ұлт намысын ұран тұтқан тұлға» әдеби кеші өтті.
Кеш барысында №51 мектеп-гимназиясының қазақ тілі мен әдебиеті пәні мұғалімі - Нұргүл Смайлова қаламгердің өмірі мен шығармашылығы жөнінде тың ақпараттармен бөлісіп, оқырман қауымға «Соңғы парыз» романы жөнінде сөз етті.

29 қазан күні ағымдағы жылдың 1 наурызы мен 20 қазан аралығында қоғам қайраткері, ғалым, экономика ғылымдарының докторы, профессор, Қазақстан ғылым Академиясының академигі, Қазақстанның Еңбек сіңірген ғылым қайраткері Сақтаған Бәйішевтің туғанына 115 жыл толуына орай жариялаған «Сан қырлы ғалым» республикалық үздік ғылыми жоба байқауының жеңімпаздарын марапаттау  шарасы өтті. Сақтаған Бәйішевтің ғылыми еңбектерін насихаттау, жастардың зерттеушілік, ғылыми ойлау қабілеттерін дамыту, инновациялық әдістер мен шығармашылық әлеуетін қалыптастыру мақсатында өткен байқау