14 қараша күні жазушы Тобық Жармағамбетовтың  90 жылдығына арналған «Жарқамыстан шыққан жазушы» әдеби кеші ұйымдастырылды.  Шараның мақсаты – жазушы Т.Жармағамбетовтың шығармашылығын насихаттау. Шараға ақын, Қазақстан Жазушылар одағының мүшесі, «Ақтөбе» телеарнасының ардагері Жақсылық Айжанов; Тобық Жармағамбетовтың туысы Болат Жармағамбетов; қаламгердың шәкірті Жеңіс Қазиев; ақын, ҚР   Жазушылар және Журналистер  одағының мүшесі, өнер зерттеушісі,  білім беру және мәдениет саласының ардагері, ҚР Педагогикалық Ғылымдар  Академиясының академигі Нұрлыбек Қалауов;   Ақтөбе жоғары гуманитарлық колледжі қазақ тілі мен әдебиеті пәнінің оқытушысы Ағипа Мұхтарова қаламгердың өмірбаяны мен шығармашылығы туралы баяндап беріп, естеліктермен бөлісті.

12 қараша күні  кітапхана қызметкерлері қазақ тіл білімінің теориялық негізін қалаушылардың бірі, ұлттық филологиямыздың тұңғыш профессоры, түркітанушы, педагог, қазақ лингвистикасының негізін салған ірі ғалым, терең білімдарлық пен зор дарын иесі, ірі оқымысты әрі қоғам қайраткері Құдайберген Қуанұлы Жұбановтың туғанына 125 жыл толуына орай «Тұңғыш тіл профессоры» кітапханалық журфикс  шарасын өткізді.
Ақтөбе облыстық мәдениет, архивтер және құжаттама басқармасының басшысы А.Ю.Юнисова, М.Оспанов атындағы Батыс Қазақстан медициналық университетінен философия ғылымдарының докторы, профессор, Қазақстан Республикасы Әлеуметтік ғылымдар академиясының академигі А.Т.Тайжанов, Қ.Жұбанов атындағы Ақтөбе Өңірлік Университеті, «Теориялық және қолданбалы тіл білімі» кафедрасы, филология ғылымдарының кандидаты, доцент Н.А.Садуақас, Қ.Жұбановтың немересі, филология ғылымдарының кандидаты, доцент, полиглот А.Е.Жұбанова (зум қосымшасы арқылы), Халықаралық «Қазақ тілі» қоғамы Ақтөбе қалалық ұйымының төрағасы, филология ғылымдарының кандидаты,  доцент Н.М.Алдашев және ақын, Жазушылар одағының мүшесі Г.Н.Қалдина, Ақтөбе облыстық ішкі саясат басқармасының бөлім басшысы Н.Ж.Көшеров, жас жұбановтанушы, №22 орта мектебінің қазақ тілі мен әдебиет пәні мұғалімі Д.Қ.Әмірбекұлының қатысуымен өткен аталмыш шарада Қ.Қ.Жұбановтың  жан-жақтылығы, ойшылдылығы, оның қаламынан туындаған зор рухани-тарихи мәні бар шығармалары және тіл білімінің дамуына қосқан өлшеусіз үлесі жайында айтылды.

8 қараша күні С.Бәйішев атындағы облыстық әмбебап ғылыми кітапханасында қазақ әдебиетінде өзіндік қолтаңба қалдырған қаламгер, қазақтың халық  жазушысы, КСРО Мемлекеттік сыйлығының лауреаты   Әбдіжәміл Кәрімұлы Нұрпейісовтің 100 жылдық мерейтойына арналған «Ұлт намысын ұран тұтқан тұлға» әдеби кеші өтті.
Кеш барысында №51 мектеп-гимназиясының қазақ тілі мен әдебиеті пәні мұғалімі - Нұргүл Смайлова қаламгердің өмірі мен шығармашылығы жөнінде тың ақпараттармен бөлісіп, оқырман қауымға «Соңғы парыз» романы жөнінде сөз етті.

29 қазан күні ағымдағы жылдың 1 наурызы мен 20 қазан аралығында қоғам қайраткері, ғалым, экономика ғылымдарының докторы, профессор, Қазақстан ғылым Академиясының академигі, Қазақстанның Еңбек сіңірген ғылым қайраткері Сақтаған Бәйішевтің туғанына 115 жыл толуына орай жариялаған «Сан қырлы ғалым» республикалық үздік ғылыми жоба байқауының жеңімпаздарын марапаттау  шарасы өтті. Сақтаған Бәйішевтің ғылыми еңбектерін насихаттау, жастардың зерттеушілік, ғылыми ойлау қабілеттерін дамыту, инновациялық әдістер мен шығармашылық әлеуетін қалыптастыру мақсатында өткен байқау

29 қазан күні қоғам қайраткері, ғалым, экономика ғылымдарының докторы, профессор, Қазақстан Ғылым Академиясының академигі Сақтаған Бәйішевтың 115 жылдығына арналған «Сақтаған Бәйішев – ғибратты ұстаз, қайраткер» облыстық ғылыми конференциясы өтті.
          Шара жүргізушісі ақын, композитор, ҚР мәдениет саласының үздігі Орал – Қосай Байсеңгір алғы сөзді Ақтөбе облыстық мәдениет, архивтер және құжаттама басқармасының басшысы Алтынай Юнисоваға беріп, Ардагер-ұстаз, ғалым-педагог, педагогика  ғылымдарының  кандидаты, профессор, КСРО және Қазақ КСР халық  ағарту  ісінің  үздігі, Ақтөбе  облысының Құрметті азаматы Ниетжан  Беріков, ҚР Әлеуметтік ғылымдар академиясының академигі, философия ғылымдарының докторы, М.Оспанов атындағы Батыс Қазақстан Медицина университетінің «Қоғамдық-гуманитарлық пәндер» кафедрасының профессоры Алтай Тайжанов, Қ.Жұбанов атындағы Ақтөбе өңірлік университеті экономика ғылымдарының кандидаты, профессор Бауыржан Жүнісов, С.Бәйішевтің туыстары Қараторғай Құлбатыров, Самбай Байтақов Ақтөбе қаласы ардагерлер Кеңесінің төрағасы, қалалық Қоғамдық Кеңесінің төрағасы Ахат Мырзалин, қоғам қайраткері, Актөбе қаласы Астана ауданы ардагерлер кеңесінің төрағасы Нұрхан  Агниязов қатысып, ғалымның өмір жолы, ғылымдағы алатын орны және білім беру, отандық ғылымды дамыту, елдің қоғамдық-саяси өміріндегі орны туралы  баяндама оқып, естеліктерімен бөлісті.

28 қазан күні  С.Бәйішев атындағы облыстық әмбебап ғылыми кітапханасында жерлес жазушы, аудармашы, журналист Мыңжасарова Сара Рахманқызының 100 жылдық мерейтойына арналған «Өмірдің бұраң жолдары»  облыстық  конференциясы өтті. Конференция қонақтары  жазушы, аудармашы, журналист,Қазақстан Жазушылар Одағының мүшесі  - Зияш Телеуова, Шалқар ауданы, "Кішіқұм" ауылдық округі ардагерлер кеңесінің төрағасы, ардагер ұстаз - Оразбаев Аққайыр Мәлкешұлы, жазушы, педагогика ғылымдарының магистрі- Бекнияз Жайнагүл Амандыққызы, журналист- Байтақова Айсын Мүрсінқызы жазушының өмірі мен шығармашылығы жөнінде оқырмандарға тың ақпараттарымен бөлісті. Сонымен қатар жазушы Сара Мыңжасарованың естеліктері мен еңбек жолынан бейне сюджет көрсетілді.

21 қазан күні кітапхана мамандарының кәсіби құзіреттілігі мен шеберлігін арттыру, озық тәжірибелерімен өзара алмасу мақсатында ұйымдастырылған «Жылдың үздік кітапханашысы - 2024» облыстық байқауының қорытынды шарасы өткізілді. Қатысушылар қорытынды кезеңде портфолио мен шығармашылық жұмыстарын қорғап, байқау тапсырмаларын орындады. Байқау шарты бойынша өткізген шеберлік сағатында кәсіби шеберлік пен дағдыларды меңгеру дәрежелерін көрсетті.Байқаудың қорытындысы бойынша жеңімпаздар анықталды.

17 қазан күні Қазақстанның Халық жазушысы, КСРО Мемлекеттік сыйлығының лауреаты  Әбдіжәміл Нұрпейісовтің туғанына 100 жыл толуына арналған «Қазақтың көрнекті жазушысы» әдеби кеші өтті. Әдеби кешке ақын-жазушылар, қаламыздағы мектеп мұғалімдері және жоғарғы оқу орындарының оқытушылары мен студенттері, кітапхана оқырмандары қатысты. Жазушы, ардагер-ұстаз Жұмабай Асарбаев, жазушы, Қазақстан Жазушылар одағының мүшесі, ҚР Құрметті журналисі Зияш Телеуова,  №31 орта мектебінің қазақ тілі мен әдебиеті пәнінің мұғалімі, Ы.Алтынсарин атындағы төсбелгісінің иегері Гүлфиза Құспанова, ақын, филология магистрі С.Бәйішев атындағы Ақтөбе университетінің оқытушысы Гүлжахан Төреханова, Ә.Нұрпейісовтың немере інісі Әбдіғапбар Сламбаев және немере қарындасы Күлпатша Шоқыманқызы, ақын, «Керек.INFO» газетінің редакторы Индира Кереева, №51 мектеп-гимназиясының қазақ тілі мен әдебиеті пәнінің мұғалімі Нұргүл Смайлова жазушының өмірі мен шығармашылығы туралы әңгімелеп, қызықты естеліктерімен бөлісті.

Биыл XVI ғасырда өмір сүрген Орталық Азия тарихшысы, әдебиетші және қоғам  қайраткері, 1411-1551 жылдардағы Үндістанның Кашмир өлкесінің билеушісі, әйгілі «Тарих-и-Рашиди» кітабы мен «Жаһаннама» дастанының авторы Мұхаммед Хайдар Дулатидың туғанына 525 жыл.  Осыған орай, кітапхана қызметкерлері   Қ.Жұбанов атындағы өңірлік мемлекеттік университеті, тарих ғылымдарының кандидаты, аға оқытушы Еспенбетова АйнагүлМейрамбекқызы, Ә.Кекілбаев атындағы №72 ЖББО ІТ мектеп-лицейінің тарих пәні  мұғалімі, Республикалық "Үздік педагог-2020" байқауының жеңімпазы, "Қазақстанның әкелері" Республикалық әкелер қоғамдастығының құрылтайшысы, Алтынсарин төсбелгісінің иегері Тобылбаев Еркін Теміржанұлының қатысуымен «Мұхаммед Хайдар Дулати тағылымы» кітапханалық ауызша журнал өткізді.

15 қазан күні даниялық қандасымыз, экономист, мемлекетті экономикалық басқару мен жекелеген бизнес секторын экономикалық тұрғыдан басқарудың кәсіби маманы, қазіргі таңда әлемдегі ең ірі және ең алғашқы жел генераторларын өндіруші даниялық "Vestas" компаниясының бас кеңсесінің бизнес-сарапшысы Қажы Акбар Аюбимен жастарға өмір жолынан және еңбек етудің адам өміріндегі орнын сезіндіру арқылы қоғамдағы өзгерістерге назар аудара отырып, азаматтық позициясын қалыптастыру  мақсатында  кездесу кеші өтті. «Қазақстан өлкетанушылар одағы» облыстық филиалының төрағасы, «Қазақстанның үздік өлкетанушысы» Мырзабаев Бекарыстан Боранқұлұлы алдымен қазақ тарихының өткен кезеңдері туралы ақпарат беріп, аласапыран күндер қазақтың алқымынан алғанда, үдере көшкен елге еріп, басқа елге қоныс аударуға мәжбүр болған  Аюбилер  ұрпағы  Дания еліндегі қандасымыз Қажы Акбар Аюбиді таныстырды.